Táboa de datos

Opens the Data Table dialog where you can edit the chart data.

A caixa de diálogo Táboa de datos non está dispoñíbel se insire gráficas baseadas en follas de cálculo ou en táboas de Writer.

Para modificar os datos da gráfica

Pode abrir a caixa de diálogo Táboa de datos para introducir datos ao crear gráficas baseadas en datos predefinidos ou ao copiar gráficas no documento. A gráfica responde aos datos nunha visualización instantánea.

Peche a caixa de diálogo Datos da gráfica para que se apliquen as modificacións. Escolla Editar - Desfacer se desexa cancelalas.

1. Inserir ou seleccionar gráficas non baseadas en datos de cela existentes.

2. Escolla Ver - Táboa de datos da gráfica para abrir a caixa de diálogo Táboa de datos.

   As series de datos están organizadas en columnas. A función da columna máis á esquerda é definir as categorías ou etiquetas de datos respectivamente. O contido da columna máis á esquerda sempre ten formato de texto. Pode inserir máis columnas para empregalas como etiquetas xerárquicas.

3. Prema nunha cela na caixa de diálogo e modifique os contidos. Prema noutra para ver os contidos modificados na previsualización.

4. Introduza o nome das series de datos na caixa de texto situada sobre a columna.

5. Utilice as iconas situadas sobre a táboa para inserir filas e columnas. Só se poden introducir ou eliminar series de datos enteiras para series de datos con columnas múltiples.

6. A orde da serie de datos da gráfica é a mesma que na táboa de datos. Empregue a icona Mover serie á dereita para trocar a columna actual coa súa veciña da dereita.

7. A orde da serie de datos da gráfica é a mesma que na táboa de datos. Empregue a icona Baixar fila para trocar a fila actual coa súa veciña de abaixo.