Axuda dos scripts en Python do LibreOffice
O LibreOffice fornece unha Interface de Programación de Aplicativos (API) que permite controlar os compoñentes do LibreOffice con diferentes linguaxes de programación empregando o Paquete de Desenvolvemento de Software (SDK) do LibreOffice. Para máis información sobre a API do LibreOffice e o Paquete de Desenvolvemento de Software (SDK), visite http://api.libreoffice.org
Esta sección de axuda explica as funcións máis frecuentes dos scripts en Python para o LibreOffice. Para información máis detallada, consulte Deseño de desenvolvemento de aplicativos en Python no wiki.
Traballar con scripts en Python no LibreOffice
Pódense executar scripts en Python escollendo . Os scripts pódense editar co editor de texto preferido. Os scripts en Python están presentes en varios lugares que se detallan a seguir. Pode consultar os exemplos de programación para macros que ilustran como executar a consola interactiva de Python desde o LibreOffice.
A infraestrutura de programación con scripts en Python é opcional nalgunhas distribucións de GNU/Linux. Se estiver instalada, abonda con seleccionar e marcar Macros do LibreOffice para a presencia da macro HelloWorld - HelloWorldPython. Se estiver ausente, consulte a documentación da súa distribución para instalar a infraestrutura de scripts do LibreOffice para Python.