Markoak txertatzea, editatzea eta estekatzea

Marko bat orrialde bateko edozein tokitan kokatzen duzun eta testua zein grafikoak dituen edukiontzi bat da. Testu bati zutabe-diseinu bat aplikatzeko ere erabili daiteke markoa.

Marko bat txertatzeko

1. Hautatu markoan sartu nahi duzun testua.

2. Aukeratu Txertatu - Markoa, eta egin klik Ados botoian.

Marko bat editatzeko

• Marko bateko edukiak editatzeko, egin klik markoan eta egin aldaketak.

• Markoa editatzeko, hautatu markoa, egin klik eskuineko botoiaz eta aukeratu formatu-aukera bat. Bestela, egin klik eskuineko botoiaz hautatutako markoan eta aukeratu Markoa.

• Marko baten tamaina aldatzeko, egin klik markoaren ertzean eta arrastatu markoaren ertz edo izkinetako bat. Eutsi sakatuta ⇧ tekla arrastatu bitartean, markoaren proportzioei eusteko.

Testua inprimatzetik ezkutatzeko

Edozein Writer markotan, testua pantailan ikusteko moduan baina ez inprimatzeko moduan ezarri daiteke.

1. Hautatu markoa (zortzi helduleku ikusiko dira).

2. Aukeratu Formatua - Markoa eta objektua - Propietateak - Aukerak.

3. Propietateak arean, desautatu Inprimatu kontrol-laukia eta egin klik Ados botoian.

Markoak estekatzeko

Writer markoak estekatu egin daitezke, edukiak marko batetik bestera automatikoki jaria daitezen.

1. Egin klik estekatu nahi duzun markoaren ertzean. Hautapen-heldulekuak agertuko dira markoaren ertzetan.

2. Markoa barran, egin klik Estekatu markoak ikonoan.

3. Egin klik estekatu nahi duzun beste markoan.

Markoak estekatzeko baldintza hauek bete behar dira:

• Helburu-markoa hutsik dago.

• Helburu-markoa ez dago estekatuta beste marko batekin.

• Iturburu- eta helburu-markoak sekzio berean daude. Adibidez, goiburukoaren markoa ezin duzu orri-oineko markoarekin estekatu.

• Iturburu-markoak ez du hurrrengo estekarik.

• Helburu- edo iturburu-markoa ez daude bata bestearen barruan.

Estekadun marko bat hautatzean, estekatutako markoak lotzen dituen marra agertzen da.