Orrialde-orientazioa aldatzea

Writerreko testu-dokumentuen orri-propietate guztiak (adibidez, orriaren orientazioa) orri-estiloen bidez definitzen dira. Lehenespenez, testu-dokumentu berri batek 'Lehenetsia' orri-estiloa erabiltzen du orri guztietarako. Lehendik dagoen testu-dokumentu bat irekitzen baduzu, baliteke orri bakoitzak orri-estilo bat aplikatuta edukitzea.

Garrantzitsua da jakitea orri-propietate batean aplikatzen dituzun aldaketek uneko orri-estiloa erabiltzen duten orriei bakarrik eragingo dietela. Uneko orri-estiloa leihoaren beheko ertzean dagoen Egoera barran agertzen da.

Orri-orientazioa orri guztietarako aldatzea

Zure testu-dokumentuak orri-estilo bera duten orriak bakarrik badauzka, orri-propietateak zuzenean alda ditzakezu:

1. Aukeratu Formatua - Orrialdea.

2. Egin klik Orrialdea fitxan.

3. Paper-formatua menuan, hautatu “Bertikala” edo “Horizontala”.

4. Sakatu Ados.

Orri-orientazioa orri batzuetarako bakarrik aldatzea

LibreOffice(e)k orri-estiloak erabiltzen ditu dokumentu bateko orrien orientazioa zehazteko. Orri-estiloek orri-propietate gehiago ere definitzen dituzte, adibidez, goiburuak eta orri-oinak, edo orriaren marjinak. 'Lehenetsia' orri-estiloa dokumentu honetarako alda dezakezu, edo beste orri-estilo batzuk defini ditzakezu, eta orri-estilo horiek zure testuko edozein zatiri aplikatu.

Laguntzako orri honen amaieran, orri-estiloen esparruak xehetasun handiagoz aztertuko ditugu. Orri-estiloaren kontzeptua ondo ulertzen ez baduzu, irakurri orri honen amaierako atala.

Orri-orientazioa orrialde-estiloa partekatzen duten orri guztientzako aldatzeko, aurrenik orrialde-estilo bat behar duzu, gero estilo hori aplikatzeko:

1. Aukeratu Ikusi - Estiloak.

2. Egin klik Orrialde-estiloak ikonoan.

3. Egin klik eskuineko botoiaz eta aukeratu Berria. Orri-estilo berriak hasieran hautatutako orri-estiloaren propietate guztiak bereganatuko ditu.

4. Antolatzailea fitxan, idatzi orrialde-estiloaren izena Izena koadroan, adibidez, "Horizontala 1".

5. Hurrengo estiloa koadroan, hautatu zer orri-estilo aplikatu nahi diozun estilo berria duen orriaren atzetik datorren hurrengo orriari. Ikusi orri-estiloen esparruei buruzko atala laguntzako orri honen amaieran.

6. Egin klik Orrialdea fitxan.

7. Paper-formatua menuan, hautatu “Bertikala” edo “Horizontala”.

8. Sakatu Ados.

Orain, "Horizontala 1" izena duen orrialde-estilo bat definitu duzu. Estilo berria aplikatzeko, egin klik bikoitza "Horizontala 1" orrialde-estiloan, Estiloak leihoan. Orrialde-estiloen uneko esparruko orrialde guztiak aldatuko dira. "Hurrengo estiloa" beste estilo bat izan dadin definitzen baduzu, orrialde-estiloen uneko esparruko lehen orrialdea soilik aldatuko da.

Orri-estiloen esparrua

Komeni da orri-estiloen esparruak LibreOffice(e)n nola funtzionatzen duen jakitea. Orri-estilo bat editatzen duzunean, zure testu-dokumentuko zer orri aldatuko dira?

Orri bakarreko estiloak

Orrialde-estilo batek orrialde bakarrena aplika dadin defini daiteke. "Lehen orrialdea" estiloa horren adibide bat da. Propietate hori ezartzeko, "hurrengo estiloa" beste orrialde-estilo bat izan dadin definitu behar da Formatua - Orrialdea - Antolatzailea fitxa-orrian.

Orrialde bakarreko estiloa uneko orrialde-estiloaren beheko ertzean hasiko da eta hurrengo orrialde-jauzian amaituko da. Hurrengo orrialde-jauzia automatikoki agertuko da testua hurrengo orrialdera igarotzen denean. Zenbaitetan, "orrialde-jauzi biguna" deitzen zaio. Nahi izanez gero, eskuzko orrialde-jauzi bat txertatu daiteke.

Kurtsorearen kokalekuan eskuzko orrialde-jauzi bat txertatzeko, sakatu Ctrl+Enter edo aukeratu Txertatu - Eskuzko jauziz eta sakatu 'Ados'.

Orrialde-estilo batean eskuz definitutako barrutia

"Lehenetsia" orrialde-estiloak ez du ezartzen "hurrengo estilo" desberdin bat ezartzen Formatua - Orrialdea - Antolatzailea fitxa-orrian. Horren ordez, "hurrengo estiloa" ere "Lehenetsia" izan dadin ezarrita dago. Orrialde-estilo berarekin jarraitzen duten orrialde-estilo guztiek orrialde bat baino gehiago har ditzakete. Orrialde-estiloaren barrutiaren beheko eta goiko ertzak "orrialde-jauzia estiloarekin" gisa definitzen dira. Bi "orrialde-jauzia estiloarekin" arteko orrialde guztiek orrialde-estilo bera darabilte.

Kurtsorearen kokalekuan zuzenean "orrialde-jauzia estiloarekin" bat txertatu daiteke. Ekintza bera gauzatzeko beste modu bat, paragrafo bati edo paragrafo-estilo bati "orrialde-jauzia estiloarekin" propietatea aplikatzea da.

Egin ekintza hauetako bat:

• Kurtsorearen kokalekuan "orrialde-jauzia estiloarekin" txertatzeko, aukeratu Txertatu - Eskuzko jauzia, hautatu Estiloa ataleko izen bat zerrenda-koadroan, eta sakatu 'Ados'.

• Uneko paragrafoari "orrialde-jauzia estiloarekin" propietatea aplikatzeko, aukeratu Formatua - Paragrafoa - Testu-fluxua. 'Jauziak' arean, aktibatu Gaitu eta Orrialde-estiloarekin. Hautatu orrialde-estilo baten izena zerrenda-koadroan.

• Uneko paragrafo-estiloari "orrialde-jauzia estiloarekin" propietatea aplikatzeko, egin eskuineko klik uneko paragrafoan. Aukeratu Editatu paragrafo-estiloa laster-menuan. Egin klik Testu-fluxua fitxan. 'Jauziak' arean, aktibatu Gaitu eta Orrialde-estiloarekin. Hautatu orrialde-estilo baten izena zerrenda-koadroan.

• Edozein paragrafo-estilori "orrialde-jauzia estiloarekin" propietatea aplikatzeko, aukeratu Ikusi - Estiloak. Sakatu Paragrafo-estiloak ikonoa. Egin eskuineko klik aldatu nahi duzun paragrafo-estiloaren izenean eta aukeratu Aldatu. Egin klik Testu-fluxua fitxan. 'Jauziak' arean, aktibatu Gaitu eta Orrialde-estiloarekin. Hautatu orrialde-estilo baten izena zerrenda-koadroan.