Orrialde-zenbakiak

Writerren, orrialde-zenbakia testuan txerta dezakezun eremua da.

Orri-zenbakiak txertatzeko

Aukeratu Txertatu - Eremua - Orrialde-zenbakia kurtsorea dagoen lekuan orrialde-zenbakia txertatzeko.

Hala ere, eremu horiek lekuz aldatuko dira tesua gehitzean edo kentzean. Horrela, hobeto sar daiteke orrialde-zenbakiaren eremua kokaleku bera duen eta orrialde guztietan errepikatzen den goiburukoan edo orri-oinean.

Aukeratu Txertatu - Goiburukoa eta orri-oina - Goiburukoa - (orrialde-estiloaren izena) edo Txertatu - Goiburukoa eta orri-oina - Orri-oina - (orrialde-estiloaren izena) uneko orrialde-estiloa duten orrialde guztiei goiburuko bat edo orri-oin bat gehitzeko.

Zehaztutako orri-zenbaki batekin hasteko

Orain, orrialde-zenbakietan kontrol handiagoa eduki nahi duzun. Demagun, 12 orrialde-zenbakiarekin hasi behar litzatekeen testu-dokumentua idazten ari zarela.

1. Egin klik dokumentuko lehen paragrafoan.

2. Aukeratu Formatua - Paragrafoa - Testu-fluxua.

3. Jauziak arean, gaitu Txertatu. Gaitu Orrialde-estiloarekin Orrialde-zenbaki berria ezarri ahal izateko. Egin klik Ados botoian.

Orri-zenbakiaren estiloari formatua emateko

Demagun, orrialde-zenbaki erromatarrak nahi dituzula: i, ii, iii, iv eta abar.

1. Egin klik bikoitza orrialde-zenbakiaren eremuaren aurrean. Editatu eremuak elkarrizketa-koadroa ikusiko duzu.

2. Hautatu zenbaki-formatua eta sakatu Ados.

Orri-zenbakiaren estilo bat baino gehiago erabiltzea

Orrialde batzuetan zenbakitze-estilo erromatarra behar duzu, eta gainerako orrialdeetan beste estilo bat.

Writerren, orri-estilo bat baino gehiago beharko dituzu. Lehen orri-estiloak orri-oina du, eta orri-oin horrek zenbaki erromatarren formatua duen orri-zenbakiaren eremu bat dauka. Hurrengo orri-estiloak ere orri-oina du, baina orri-oin horretako orri-zenbakiaren eremuak beste itxura bat du.

Bi orri-estiloak orri-jauziaren bidez bereizi behar dira. Writerren, orri-jauzi automatikoak nahiz eskuz txertatutako orri-jauziak erabil ditzakezu.

• Orrialde-jauzi automatikoa agertuko da orrialdearen amaieran, orrialde-estiloak "hurrengo estilo" desberdina duenean.

  Adibidez, "Lehen orrialdea" orrialde-estiloak "Lehenetsia" du hurrengo estilo modura. Hori ikusteko, sakatu dezakezu Estiloak leihoa irekitzeko, Orrialde-estiloak ikonoan klik egin, eta 'Lehen orrialdea' sarreran eskuineko klik egin. Aukeratu Aldatu laster-menuan. Antolatzailea fitxan, "hurrengo estiloa" ikusi dezakezu.

• Eskuz txertatutako orrialde-jauzia orrialde-estiloak aldatuta edo aldatu gabe aplika daiteke.

  Ctrl+Enter sakatzen baduzu, orrialde-jauzia estilo-aldaketarik egin gabe aplikatuko duzu.

  Txertatu - Eskuzko jauzia aukeratzen baduzu, orrialde-jauzia estilo-aldaketarik egin gabe edo eginda edo orrialde-zenbakia aldatuta txerta dezakezu.

Dokumentuaren arabera, bi aukera hauetako bat izango da egokiena: orri-estiloen artean eskuz txertatutako orri-jauzi bat erabiltzea, edo aldaketa automatikoa erabiltzea. Beste orriek duten estiloa ez den beste estilo bat duen titulu-orri bakarra behar baduzu, metodo automatikoa erabil dezakezu:

Lehen orriari beste orri-estilo bat aplikatzeko

1. Egin klik dokumentuaren lehen orrialdean.

2. Aukeratu Ikusi - Estiloak.

3. Estiloak leihoan, egin klik Orrialde-estiloak ikonoan.

4. Egin klik bikoitza "Lehen orrialdea" estiloan.

Orain, titulu-orrialdeak "Lehen orrialdea" estiloa du, eta hurrengo orrialdeek automatikoki estilo "Lehenetsia" izango dute.

Orain orri-oin bat txertatu dezakezu, adibidez, "Lehenetsia" orrialde-estilorako soilik, edo bi orrialde-estiloetan orri-oinak txertatu, baina desberdin formateatuta dauden orrialde-zenbakiak dituztenak.

Eskuz txertatutako orri-estiloaren aldaketa bat aplikatzeko

1. Egin klik beste orri-estilo bat aplikatu nahi duzun orriko lehen paragrafoaren hasieran.

2. Aukeratu Txertatu - Eskuzko jauzia. Txertatu jauzia elkarrizketa-koadroa ikusiko duzu.

3. Estiloa zerrenda-koadroan, hautatu orrialde-estilo bat. Orrialde-zenbaki berria ere ezarri nahi izango duzu agian. Sakatu Ados.

Hautatutako orri-estiloa uneko paragrafotik estiloa duen hurrengo orri-jauziraino aplikatuko da. Baliteke aurrena orri-estilo berria sortu behar izatea.