Orrialdearen atzeko planoa aldatzea

LibreOffice aplikazioak orrialde-estiloak erabiltzen ditu dokumentuko orrialdeen atzeko planoa zehazteko. Adibidez, dokumentuko orrialde baten edo gehiagoren atzeko planoa ur-marka bihurtzeko, Ur-marka atzeko planoa erabiltzen duen orrialde-estiloa sortu behar duzu, eta ondoren, aplikatu orrialde-estiloa orrialdeei.

Orrialdearen atzeko planoa aldatzeko

1. Aukeratu Ikusi - Estiloak.

2. Egin klik Orrialde-estiloak ikonoan.

3. Orrialde-estiloen zerrendan, egin klik eskuineko botoiaz elementuan eta aukeratu Berria.

4. Antolatzailea fitxan, idatzi orrialde-estiloaren izena Izena koadroan.

5. Hurrengo estiloa koadroan, hautatu hurrengo orrialdeari aplikatu nahi diozun orrialde-estiloa.

• Aplikatu orrialde-estiloa nahi duzun orrialdeei.

• Orrialde-estilo berria ondoren dauden orrialde guztiei aplikatzeko, hautatu orrialde-estilo berriaren izena.

6. Egin klik Area fitxan.

7. Goiko zerrenda-koadroan, hautatu kolore solidoa edo grafikoa nahi duzun. Ondoren, hautatu aukerak fitxan.

8. Sakatu Ados.

Dokumentuko orrialde guztien atzeko planoa aldatzeko

Hasi aurretik, ziurtatu atzeko planoa erabiltzen duen orrialde-estiloa sortu duzula. Informazio gehiago lortzeko, ikus Orrialdearen atzeko planoa aldatzeko atala.

1. Aukeratu Ikusi - Estiloak.

2. Egin klik Orrialde-estiloak ikonoan.

3. Egin klik bikoitza aplikatu nahi duzun atzeko planoa duen orrialde-estiloan.

Dokumentu berean orrialdearen atzeko plano ezberdinak erabiltzeko

Hasi aurretik, ziurtatu atzeko planoa erabiltzen duen orrialde-estiloa sortu duzula. Informazio gehiago lortzeko, ikus Orrialdearen atzeko planoa aldatzeko atala.

1. Egin klik atzeko planoa aldatu nahi diozun paragrafoaren lehen karakterearen aurrean.

2. Aukeratu Txertatu - Eskuzko jauzia.

3. Hautatu Orrialde-jauzia.

4. Estiloa koadroan, hautatu orrialdearen atzeko planoa darabilen orrialde-estilo bat.

• Atzeko planoa uneko orrialdean soilik aldatzeko, hautatu 'Hurrengo estiloa' atalean "Lehenetsia" ezarrita duen orrialde-estilo bat.

• Uneko orrialdearen eta hurrengo orrialdeen atzeko planoa aldatzeko, hautatu 'Hurrengo estiloa' aukeran orrialde-estiloaren izena ezarrita duen orrialde-estilo bat.

  Atzeko planoa aurrerago aldatu nahi baduzu, errepikatu 1etik 3rako urratsak.

5. Sakatu Ados.