Oin-oharrak edo amaiera-oharrak txertatzea eta editatzea

Oin-oharrek gai bati buruzko informazio gehiago ematen dute orrialdearen beheko aldean, eta amaiera-oharrek dokumentuaren amaieran. LibreOffice aplikazioak automatikoki zenbakitzen ditu oin-oharrak eta amaiera-oharrak.

Oin-oharra edo amaiera-oharra txertatzeko

1. Egin klik dokumentuan, oharraren aingura kokatzea nahi duzun lekuan.

2. Aukeratu Txertatu - Oin-oharrak eta amaiera-oharrak - Oin-oharra edo amaiera-oharra.

3. Zenbakitzea arean, hautatu erabili nahi duzun formatua. Karakterea hautatzen baduzu, sakatu Aukeratu botoia eta hautatu oin-oharrean erabili nahi duzun karakterea.

4. Mota arean, hautatu Oin-oharra edo Amaiera-oharra.

5. Sakatu Ados.

6. Idatzi oharra.

Oin-oharra edo amaiera-oharra editatzeko

• Saguaren erakuslea esku bihurtzen da dokumentuko oin-oharraren edo amaiera-oharraren ainguran kokatzean.

• Oin-oharren edo amaiera-oharren testua editatzeko, egin klik oharrean edo egin klik oharraren ainguran, testuan.

• Oin-ohar baten formatua aldatzeko, egin klik gainean, sakatu 'Estiloak' leihoa irekitzeko, egin eskuineko klik zerrendako "Oin-oharra" aukeran, eta aukeratu Aldatu.

• Oin-oharraren edo amaiera-oharraren testutik testuko ohar-aingurara joateko, sakatu PageUp.

• Oin-ohar edo amaiera-ohar baten ainguraren zenbakitze-propietateak editatzeko, egin klik ainguraren aurrean, eta aukeratu Editatu - Oin-oharra/amaiera-oharra.

• LibreOffice aplikazioak oin-oharrei eta amaiera-oharrei aplikatzen dien formatua aldatzeko, aukeratu Tresnak - Oin-oharrak eta amaiera-oharrak.

• Oin-oharren edo amaiera-oharren testu-arearen propietateak editatzeko, aukeratu Formatua - Orrialdea, eta egin klik Oin-oharra fitxan.

• Oin-oharra kentzeko, ezabatu oin-oharraren aingura testuan.