Uneko orrialdean oinarritutako orrialde-estiloa sortzea

Orrialde-diseinua diseinatu eta diseinu horretan oinarritutako orrialde-estiloa sor dezakezu.

Adibidez, goiburuko jakin bat bistaratzen duen orrialde-estiloa eta beste goiburuko bat bistaratzen duen beste orrialde-estilo bat sor ditzakezu.

1. Ireki testu-dokumentu berri bat, aukeratu Ikusi - Estiloak, eta egin klik Orrialde-estiloak ikonoan.

2. Egin klik Estilo berria hautapenetik ikonoan eta hautatu Estilo berriak hautapenetik azpimenuan.

3. Sartu orrialdearen izena Estilo-izena kutxan, eta ondoren sakatu Ados.

4. Egin klik bikoitza zerrendako izenean estiloa uneko orrialdeari aplikatzeko.

5. Aukeratu Txertatu - Goiburukoa eta orri-oina - Goiburukoa, eta aukeratu orrialde-estilo berria zerrendan.

6. Idatzi goibururako testua. Kokatu kurtsorea testu nagusiaren arean, goiburukotik kanpo.

7. Aukeratu Txertatu - Eskuzko jauzia.

8. Mota arean, hautatu Orrialde-jauzia eta ondoren hautatu 'Lehenetsia' Estiloa kutxan.

9. Errepikatu 2-6 urratsak bigarren orri-estilo pertsonalizatu bat beste goiburu batekin sortzeko.