Editatu konkordantzia-fitxategia
Sortu edo editatu indize alfabetiko batean sartuko diren hitzen zerrenda bat. Konkordantzia-fitxategi batek indize alfabetikoan erreferentziatu behar diren hitzak zerrendatzen ditu, dokumentuan zein orrialde-zenbaki(t)an agertzen diren barne.
'Bilatu eta ordeztu' elkarrizketa-koadroko 'Bilatu denak' botoia erabil dezakezu hitz baten agerraldi guztiak nabarmentzeko, eta, gero, 'Txertatu indize-sarrera' elkarrizketa-koadroa ireki dezakezu hitz hori eta agertzen den lekuak indize alfabetikoari gehitzeko. Dena dela, indize alfabetikoen multzo bera dokumentu batean baino gehiagotan behar baduzu, konkordantzia-fitxategiaren bidez hitz bakoitza behin bakarrik sar dezakezu eta, gero, zerrenda nahi adina aldiz erabili.
'Editatu konkordantzia-fitxategia' elkarrizketa-koadroa irekitzeko:
-
Aukeratu Txertatu - Aurkibidea eta indizea - Aurkibidea, indizea edo bibliografia - Mota.
-
Mota koadroan, hautatu "Indize alfabetikoa".
-
Aukerak eremuan, hautatu Konkordantzia-fitxategia kontrol-laukia.
-
Egin klik Fitxategia botoian eta aukeratu Berria edo Editatu.
Konkordantzia-fitxategiak eremu hauek ditu:
"Bilaketa-terminoak" dokumentuan markatu nahi duzun indize-sarrerari egiten dio erreferentzia.
"Sarrera alternatiboak" indizean agertzea nahi duzun indize-sarrerari egiten dio erreferentzia.
1. eta 2. gakoa indize-sarrera orokorrak dira. "Bilaketa-terminoa" edo "Sarrera alternatiboa" azpisarrera gisa agertzen dira 1. eta 2. gakoetan.
"Maiuskulak/minuskulak" adierazten du letra maiuskulak eta minuskulak hartzen direla kontuan.
"Hitzak soilik" aukerak terminoa hitz bakar gisa bilatzen du.
"Maiuskulak/minuskulak" edo "Hitzak soilik" aukerak gaitzeko, egin klik dagokion gelaxkan eta hautatu kontrol-laukia.
Konkordantzia-fitxategia 'Editatu konkordantzia-fitxategia' elkarrizketa-koadrorik gabe sortzeko:
Erabili ondorengo formatu-argibide hauek konkordantzia-fitxategiak sortzeko:
-
Konkordantzia-fitxategiko sarrera guztiak lerro desberdinetan daude.
-
Iruzkin-lerroak # ikurraren bidez hasten dira.
-
Erabili formatu hau sarrerentzat:
Bilatutako terminoa;Sarrera alternatiboa;1.gakoa;2.gakoa;Maiuskulak/Minuskulak;Hitzak soilik
"Maiuskulak/minuskulak" eta "Hitzak soilik" aukerak "Ez" edo FALSE gisa interpretatzen dira hutsik badaude edo zero (0) badira. Gainerako eduki guztiak "Bai" edo TRUE gisa interpretatzen dira.
Adibidea:
"Donostia" hitza indize alfabetikoko "Hiriak" sarreran sartu nahi baduzu, sartu lerro hau konkordantzia-fitxategian:
Donostia;Donostia;Hiriak;;0;0
Horrek "Donostia" aurkituko du minuskulaz idatzi egonda ere.
"Antiguo" auzoa Donostian sartzeko "Hiriak" sarreraren barruan, sartu lerro hau:
Antiguo;Donostia;Hiriak;