Kalkulu-orriak diapositibetan sartzea
Hainbat metodo erabil ditzakezu kalkulu-orrietako gelaxkak Impresseko diapositibetan edo Draw aplikazioko orrietan txertatzeko:
-
Txertatu jatorrizko taula bat; datuak gelaxketan sartu behar dituzu, eta, gero, formatu dotorea aplikatu zereginen paneleko 'Taula-diseinua' sekzioa erabiliz.
-
Txertatu taula berri bat OLE objektu gisa, edo txertatu lehendik dagoen fitxategi bat OLE objektu gisa; horretarako, fitxategi baterako esteka kalkulu-orri baten fitxategi batean gordetako azken datuetarako esteka aktiboa dela zehaztu dezakezu.
Jatorriko taula txertatzea
-
Joan taula txertatu nahi duzun Impresseko diapositibara edo Draweko orrira.
-
Aukeratu
edo erabili 'Taula' ikonoa 'Estandarra' tresna-barran, taula bat txertatzeko. -
Egin klik bikoitza taulan, eta sartu edo itsatsi datuak gelaxketan.
-
Hautatu gelaxken edukia eta egin klik eskuineko botoiaz gainean, laster-menua irekitzeko. Aukeratu komandoak gelaxken edukia aldatzeko, adibidez, letra-tipoaren tamaina eta lerroartea.
-
Egin klik eskuineko botoiarekin taularen ertzean laster-menua irekitzeko. Erabili taularen laster-menua taularen izena eta deskribapena sartzeko, errenkadak edo zutabeak modu uniformean banatzeko, edo beste komando batzuk hautatzeko.
-
Hautatu gelaxka batzuk eta egin klik eskuineko botoiaz laster-menuan; beste komando batzuez gain, errenkadak eta zutabeak txertatu edo ezabatzeko komandoak daude han.
Gelaxka-area angeluzuzen bat hautatzeko, seinalatu laukizuzenaren ertz bateko gelaxka, eduki sakatuta saguaren botoia, eta arrastatu sagua laukizuzenaren aurkako ertzera; ondoren, askatu saguaren botoia.
Gelaxka bat hautatzeko, seinalatu gelaxka hori, eduki sakatuta saguaren botoia, arrastatu sagua hurrengo gelaxkara eta atzera lehengo gelaxkara, eta, gero, askatu saguaren botoia.
Kalkulu-orri berria OLE objektu gisa txertatzea
LibreOffice Calc kalkulu-orri zuri bat OLE objektu gisa gehi dezakezu diapositiban.
-
Joan kalkulu-orria sartu nahi duzun diapositibara.
-
Aukeratu Txertatu – OLE objektua. Sakatu Sortu berria eta hautatu LibreOffice-eko kalkulu-orria. Sakatu Ados. Egin klik kalkulu-orrian datuak sartzeko.
-
Egin klik kalkulu-orritik kanpo diapositiba ikusteko.
Kalkulu-orriari tamaina aldatzeko gelaxken tamaina aldatu gabe, egin klik bikoitza kalkulu-orrian, eta gero, arrastatu izkinako heldulekua. Kalkulu-orriko gelaxken tamaina aldatzeko, egin klik kalkulu-orrian eta arrastatu izkinako heldulekua.
Kalkulu-orria fitxategitik txertatzea
Lehendik dagoen kalkulu-orria sartzen baduzu diapositiban, jatorrizko kalkulu-orriaren fitxategian egindako aldaketak ez dira eguneratuko diapositiban. Hala ere, diapositibako kalkulu-orrian aldaketak egin ditzakezu.
-
Joan kalkulu-orria sartu nahi duzun diapositibara.
-
Aukeratu Txertatu - Objektua - OLE Objektua.
-
Hautatu Sortu fitxategitik, eta sakatu Bilatu.
-
Lokalizatu txertatu nahi duzun fitxategia eta sakatu Ados.
Gaitu Estekatu fitxategiari kontrol-laukia fitxategia esteka aktibo gisa sartzeko.
Kalkulu-orri osoa txertatuko da diapositiban. Bistaratutako orria aldatu nahi baduzu, egin klik bikoitza kalkulu-orrian, eta hautatu beste orri bat.