Impress argazki-albuma

Argazki-album bat txertatzen du zure aurkezpen-dokumentuan.

Impress argazki-albuma modu azkarra da zenbait irudi aurkezpen batean txertatzeko eta kiosko batean edo multimedia-erakustaldi batean etengabe exekutatuko den dokumentu egokia sortzeko.

Aurkezpenean argazki-albuma txertatzeko

1. Ireki lehendik dagoen edo berria den aurkezpena bat.

2. Joan argazki-albumaren aurrean egongo den diapositibara.

3. Aukeratu Txertatu - Multimedia - Argazki-albuma.

4. 'Sortu argazki-albuma' elkarrizketa-koadroan, sakatu Gehitu.

5. Bilatu txertatu nahi dituzun fitxategiak.

   

   Oharra: karpeta berean irudi bat baino gehiago badago, argazki multzo bat hautatu daiteke, fitxategi-izenetan klik egiten den bitartean Shift edo Ctrl teklei sakatuta eutsita.

   
   

6. Sakatu Ireki fitxategiak argazki-albumari gehitzeko.

   

   Iradokizuna: Egin klik fitxategi-izenetan, horiek Aurrebista arean bistaratzeko

   
   

7. Hautatu diapositiba bakoitzean sartuko den irudi kopurua Diapositiba-diseinua zerrenda-koadroan.

8. Markatu Gehitu epigrafea diapositiba bakoitzari kontrol-laukia, beharrezkoa bada, epigraferako testu-koadro bat txertatzeko.

9. Markatu Mantendu aspektu-erlazioa kontrol-laukia, irudiak desitxuratu daitezen eragotzi nahi baduzu. Irudia osorik sartuko da diapositiban.

10. Markatu Bete pantaila, irudiak aurkezpen-pantaila osoa bete dezan nahi baduzu. Horren ondorioz sortutako irudia diapositiba baino handiagoa izan daiteke.

11. Markatu Estekatu irudiak irudiaren kokapenari, bai zure fitxategi-sistemakoari bai Internetekoari, lotutako esteka bat sortzeko. Aukera honek ez ditu irudiak aurkezpen-dokumentuan kapsulatuko.

12. Sakatu Txertatu diapositibak.