Kurbak marraztea
Kurba ikonoak, Marrazkia tresna-barran dagoenak, BĂ©zier kurbak marrazteko tresna-barra bat irekitzen du. BĂ©zier kurbak hasiera-puntu batekin eta amaiera-puntu batekin definitzen dira, eta puntu horiei "aingura" esaten zaie. BĂ©zier kurba baten kurbadura-maila kontrol-puntuek ("heldulekuek") definitzen dute. Kontrol-puntu bat lekuz aldatzen bada, BĂ©zier kurbaren forma aldatzen da.
Kontrol-puntuak "Editatu puntuak" moduan bakarrik egoten dira ikusgai. Kontrol-puntuak zirkuluekin adierazten dira; aingura-puntuak, aldiz, laukiekin. Hasiera-puntua zertxobait handiagoa izaten da gainerako aingura-puntuak baino.
BĂ©zier kurben segmentuak eta marra zuzenen segmentuak elkartu daitezke BĂ©zier kurba konplexuagoak osatzeko. Hiru trantsizio desberdin aplika daitezke elkarren segidako segmentuak elkartzeko.
-
Aingura-puntu simetriko batek lerro-kurbadura berdina dauka bi aldeetan, eta bi kontrol-lerroak batera mugitzen dira lerro zuzena balitz bezala.
-
Aingura-puntu leun batek lerro-kurbadura desberdina eduki dezake bi aldeetan.
-
Izkinako aingura-puntu batek kontrol-lerro independente bat edo bi izaten ditu. Alde bat aldatzeak ez du eraginik beste aldean.
Nola erabili Kurba tresna
-
Marrazkien tresna-barran, ireki Kurbak tresna-barra, eta hautatu Kurba tresna.
-
Egin klik kurba hastea nahi duzun lekuan, eta arrastatu kurba joatea nahi duzun norabidean. Kontrol-marrak adieraziko du norabidea.
Norabidea 45 graduko sareetara mugatzeko, mantendu sakatuta Maius tekla.
-
Askatu sagua lehen kontrol-puntua kokatu nahi duzun lekuan.
-
Eraman erakuslea kurba-segmentua amaitzea nahi duzun lekura. Kurbak erakusleari jarraitzen dio.
-
Egin ekintza hauetako bat:
-
Marra marraztea amaitzeko, egin klik bikoitza amaiera-puntuaren kokalekuan.
Forma itxi bat sortzeko, egin klik bikoitza marraren hasiera-puntuan.
-
Aingura-puntu bat gehitzeko, egin klik eta askatu saguaren botoia. Hurrengo segmentua marrazteko, mugitu sagua.
-
Aingura-puntu leun bat gehitzeko, egin klik eta arrastatu edozein norabidetan.
Nola erabili Forma Libreko Marraren tresna
-
Marrazkien tresna-barran, ireki Kurbak tresna-barra eta hautatu Forma libreko marra tresna.
-
Egin klik kurba hastea nahi duzun lekuan, eta mantendu sakatuta saguaren botoia.
-
Marraztu forma libreko marra arkatz batekin egingo bazenu bezala.
-
Marra amaitzeko, askatu saguaren botoia.