Kolore berria hautatzea
LibreOffice aplikazioak kolore pertsonalizatuak bi dimentsiotako grafiko bat eta zenbakizko gradiente bat erabilita definitzen uzten du, Hartu kolorea elkarrizketa-koadroan.
'Hartu kolorea' leihoa
'Hartu kolorea' leihoak lau area nagusi ditu.
-
Aukera-botoien bitartez, kolorearen kolore-osagaia hautatzen da. Kolore-osagaia RGB kolore-ereduan (Red=Gorria, Green=Berdea, Blue=Urdina) edo HSB kolore-ereduan (Hue=Ñabardura, Saturation=Saturazioa, Brightness=Distira) adierazi daiteke. CMYK kolore-eredua ezin da hautatu eta CMYK notazioa erabiliz kolore-balioak sartzeko eskaintzen da soilik.
-
Biratze-botoiak kolore-osagaiaren zenbakizko balioa sartzeko dira.
-
Kolore-osagaien graduatzaile bertikalekin, kolorearen osagai bakoitzaren balioa aldatu daiteke. Koloredun koadro handiarekin, kolore-osagaiak gutxi gora-behera hautatu daitezke.
-
Beheko kolore-barra horizontalak uneko kolorea eta kolore berria erakusten ditu, elkarren alboan.
Egin klik ezkerreko koloredun area handian, kolore berria hautatzeko. Hautatze-area hori erabiliz, kolorearen bi osagai aldatu ditzakezu, RGB edo HSB kolore-ereduetan adierazita. Kontuan izan bi osagai horiek aukera-botoien bidez elkarrizketa-koadroaren eskuinean hautatu ez diren bi osagaiak direla.
Beheko barraren eskuineko aldean, Koloreak fitxa gurasoaren jatorrizko kolorea ikusiko duzu.
Beheko barraren ezkerreko aldean, elkarrizketa-koadro honetan egin duzun lanaren uneko emaitza ikusiko duzu.
LibreOffice(e)k RGB kolore-eredua besterik ez du erabiltzen du koloretan inprimatzeko. CMYK kontrolak CMYK notazioaren bidez kolore-balioak errazago sartzeko soilik eskaintzen dira.
RGB
Gorria
Osagai gorria kolore-graduatzaile bertikalean aldatzeko moduan ezartzen du, eta osagai berdea eta urdina bi dimentsiotako kolore hautatzailean ezartzen ditu. Onartutako balioak 0tik 255era dira.
Berdea
Osagai berdea kolore-graduatzaile bertikalean aldatzeko moduan ezartzen du, eta osagai gorria eta urdina bi dimentsiotako kolore hautatzailean ezartzen ditu. Onartutako balioak 0tik 255era dira.
Urdina
Osagai urdina kolore-graduatzaile bertikalean aldatzeko moduan ezartzen du, eta osagai berdea eta gorria bi dimentsiotako kolore hautatzailean ezartzen ditu. Onartutako balioak 0tik 255era dira.
Hex #
RGB ereduko kolore-balioa bistaratzen eta ezartzen du, zenbaki hamaseitarrak erabilita.
HSB (ÑSD)
Ñabardura
Ñabarduraren osagaia kolore-graduatzaile bertikalean aldatzeko moduan ezartzen du, eta saturazioaren eta distiraren osagaiak bi dimentsiotako kolore hautatzailean ezartzen ditu. Onartutako balioak 0tik 359ra dira.
Saturazioa
Saturazioaren osagaia kolore-graduatzaile bertikalean aldatzeko moduan ezartzen du, eta ñabarduraren eta distiraren osagaiak bi dimentsiotako kolore hautatzailean ezartzen ditu. Onartutako balioak 0tik 100era dira.
Distira
Distiraren osagaia kolore-graduatzaile bertikalean aldatzeko moduan ezartzen du, eta ñabarduraren eta saturazioaren osagaiak bi dimentsiotako kolore hautatzailean ezartzen ditu. Onartutako balioak 0tik 100era dira.
CMYK
Cyan-a
Ezarri cyan kolore-balioa CMYK kolore-ereduan adierazi den bezala.
Magenta
Ezarri magenta kolore-balioa CMYK kolore-ereduan adierazi den bezala.
Horia
Ezarri hori kolore-balioa CMYK kolore-ereduan adierazi den bezala.
Gakoa
Ezarri beltz kolore-balioa edo -gakoa (beltza) CMYK kolore-ereduan adierazi den bezala.