Edukia formatu berezietan itsastea
Arbelean gordetako edukia hainbat formatutan itsats daiteke dokumentuan. LibreOffice aplikazioan, edukia nola itsatsi nahi duzun aukeratu dezakezu elkarrizketa-koadroaren edo goitibeherako ikonoaren bidez.
Aukera erabilgarriak arbelaren edukiaren araberakoak dira.
Writer testu-dokumentuetan, ⌘+⌥Ctrl+Alt+⇧+V sakatu dezakezu arbeleko edukiak formatu gabeko testu gisa itsasteko.
Arbeleko edukia ikono-menuaren bidez itsastea
-
Sakatu 'Estandarra' barrako Itsatsi ikonoaren ondoko gezia, menua irekitzeko.
-
Hautatu aukeretako bat.
Emaitza gustuko ez baduzu, sakatu Desegin ikonoa eta itsatsi berriro beste aukera bat erabiliz.
Arbeleko edukia elkarrizketa-koadroa erabiliz itsastea
-
Aukeratu Editatu - Itsatsi berezia.
-
Hautatu aukera bat eta sakatu Ados botoia.
Kalkulu-orri batean bazaude eta arbeleko edukia kalkulu-orriko gelaxkak badira, Itsatsi berezia elkarrizketa-koadro ezberdina agertuko da. Erabili Itsatsi berezia elkarrizketa-koadroa gelaxkak kopiatzean oinarrizko aukerak edo aukera aurreratuak erabiltzeko.
-
Trukatu: Itsatsi beharreko gelaxka-barrutiaren errenkadak eta zutabeak trukatzen ditu.
-
Esteka: gelaxka-barrutia esteka gisa itsasten du. Iturburu-fitxategia aldatzen bada, itsatsitako gelaxkak ere aldatu egingo dira.
-
Beste aukerak laguntzan daude azalduta, LibreOffice Calc-en zaudela Itsatsi berezia elkarrizketa-koadroa irekitzean.