Karaktere bereziak txertatzea
Funtzio horren bidez, karaktere bereziak txerta ditzakezu testuan, hala nola kontrol-markak, koadroak eta telefono-ikurrak.
-
Karaktere guztien hautapena ikusteko, aukeratu Txertatu - Karaktere berezia.
-
Eremu-hautapenean, egin klik nahi duzun karakterean, edo hainbat karakteretan bat bestearen ondoren. Karaktereak elkarrizketa-koadroaren behealdean bistaratuko dira. Elkarrizketa-koadroa Ados botoia sakatuta ixtean, hautatutako letra-tipoan bistaratutako karaktere guztiak uneko dokumentuan txertatuko dira.
-
Testua sartzeko edozen eremutan (esaterako, Bilatu eta ordeztu elkarrizketa-koadroko sarrera-eremuetan), Shift+⌘Ctrl+S sakatu daiteke Karaktere bereziak elkarrizketa-koadroa irekitzeko.
Une honetan hiru modu daude azentu-markak dituzten letrak zuzenean teklatutik sartzeko.
Solaris: Sun teklatua erabilita. Lehenengo, sakatu zuriune-barraren eskuinean dagoen konposizio-tekla, ondoren sartu lehen eta bigarren aldarazleak.
Linux / NetBSD: Tekla hilak erabilita. xterm leiho batean, lehenengo sakatu (´) edo (`) tekla. Karakterea ez da agertuko pantailan. Ondoren, sakatu letra bat, esaterako "e". Letra horri azentu-marka emango zaio, é edo è. Horrela ez bada, begiratu XF86Config fitxategian ea "nodeadkeys" XkbdVariant kargatu den, eta ordeztu hura. Beste arazo bat izan daiteke SAL_NO_DEADKEYS ingurune-aldagaia ezarri duzula, horrek tekla hilak desaktibatzen baititu.
Unix sistema guztiak: 'Alt Gr' konposizio-tekla gehigarri gisa. 'Alt Gr' teklak orain LibreOffice aplikazioan konposizio-tekla gisa funtzionatzen du, SAL_ALTGR_COMPOSE ingune-aldagaia ezartzen bada. 'Alt Gr' teklak mode_switch bat abiarazi behar du, beraz, esaterako xmodmap -e "keysym Alt_R = Mode_switch" ezarri behar da. Lehenengo, sakatu 'Alt Gr', gero lehen aldarazlea, ondoren bigarren aldarazlea. Karaktereak konbinatu egingo dira, Solaris sistemetarako deskribatuta dagoen moduan, /usr/openwin/include/X11/Suncompose.h fitxategian.