Tresna-barrak erabiltzea
Tresna-barretako zenbait ikonok, adibidez, Letra-kolorea ikonoak, beste tresna-barra bat ireki dezakete. Sakatu ikonoaren ondoko gezia ikono gehiago dituen tresna-barra bat irekitzeko.
Orain, bi aukera dituzu: aktibatu nahi duzun ikonoa sakatzea, edo tresna-barrari titulu-barratik heldu eta arrastatzea saguaren botoia sakatuta duzun bitartean.
Tresna-barren testuingurua
Tresna-barra batzuk automatikoki irekitzen dira testuinguruaren arabera. Adibidez, testu-dokumentu bateko taulan klik egiten baduzu, 'Taula' tresna-barra irekiko da. Zenbakitutako paragrafo batean klik egiten baduzu, 'Buletak eta zenbakitzea' tresna-barra irekiko da.
Modu lehenetsian, tresna-barrak ezkutatuta daude koaderno-barra aktibatuta dagoenean.
Tresna-barrak aldi baterako ixteko
Sakatu tresna-barraren titulu-barrako ikonoa edo aukeratu Itxi tresna-barra laster-menuan. Tresna-barra automatikoki erakutsiko da testuingurua berriro aktibo bihurtzean.
Tresna-barrak behin betiko ixteko
Aukeratu Ikusi - Tresna-barrak eta egin klik tresna-barraren izenean hautamarka kentzeko.
Itxitako tresna-barrak erakusteko
-
Aukeratu Ikusi - Tresna-barrak eta egin klik tresna-barraren izenean.
-
Aukeratu Ikusi - Tresna-barrak - Berrezarri tresna-barretan testuinguruaren araberako portaera lehenetsia berrezartzeko. Orain, tresna-barra batzuk automatikoki erakutsiko dira, testuinguruaren arabera.
Tresna-barrak tresna-barra mugikor bihurtzeko
-
Egin klik tresna-barraren hasierako heldulekuan eta arrastatu tresna-barra dokumentura.
Tresna-barra mugikorra berriro eransteko
-
Arrastatu tresna-barraren titulu-barra dokumentuaren leihoaren ertzera.
-
Leiho mugikorra berriro eransteko, arrastatu eta jaregin leihoaren titulu-barra dokumentu-leihoaren ertzera. Saguaren erakusleak dokumentu-leihoaren ertzetik oso hurbil egon behar du saguaren botoia askatzen duzunean.
-
Sistemaren leiho-kudeatzailearen arabera, tresna-barraren edo leihoaren toki huts batean klik bikoitza egin daiteke ⌘Ctrl teklari eusten zaion bitartean. Edo egin klik bikoitza tresna-barra edo leiho mugikorrean.
Tresna-barrak eta leihoak arrastatu eta jaregin funtzioaren bidez atrakatzea, sistemako leiho-kudeatzailearen ezarpenen arabera egongo da. Leiho bat lekuz aldatzean leihoaren eduki osoa erakusteko gaitu behar duzu sistema, kanpoko markoa bakarrik erakutsi beharrean.