Ezarpen osagarriak
Datu-iturburu batentzako aukera osagarriak zehazten ditu.
Datu-basearen leihoan, aukeratu Editatu - Datu-basea - Propietateak, eta egin klik Ezarpen osagarriak fitxan
Ondorengo kontrolen erabilgarritasuna datu-base motaren arabera dago:
Ostalari-izena
Idatzi datu-basea duen zerbitzariaren ostalari-izena, adibidez ldap.server.com.
Ataka-zenbakia
Idatzi datu-basea ostatatzen duen zerbitzariaren ataka-zenbakia.
MySQL JDBC kontrolatzaile klasea
Sartu MySQL datu-basearen JDBC kontrolatzailearen izena.
Karaktere-jokoa
Hautatu LibreOffice aplikazioko datu-basea bistaratzeko erabiltzea nahi duzun karaktere-jokoa. Ezarpen honek ez dio datu-baseari eragiten. Sistema eragileko karaktere-joko lehenetsia erabiltzeko, hautatu "System".
Testu eta dBase datu-baseak tamaina finkoko karaktere-luzera duten karaktere-jokoetara murriztuta daude. Karaktere horiek byte kopuru berdinarekin kodetuta daude.
Oracle JDBC kontrolatzaile klasea
Sartu Oracle datu-baserako JDBC kontrolatzailearen izena.
Kontrolatzailearen ezarpenak
Zehaztu kontrolatzailearen aukera osagarriak.
Erabili katalogoa fitxategietan oinarritutako datu-baseetan
Katalogoaren uneko datu-iturburua erabiltzen du. Aukera hori erabilgarria da ODBC datu-iturburua datu-basearen zerbitzaria denean. Ez hautatu aukera hori, ODBC datu-iturburua dBase kontrolatzailea denean.
Base DN
Sartu LDAP datu-basean bilaketa egiteko hasiera-puntua, adibidez, dc=com.
Erregistroen gehienezko kopurua
Idatzi LDAP zerbitzarian sartzean kargatzea nahi duzun erregistroen gehienezko kopurua.
Bistaratu ezabatutako erregistroak ere
Fitxategiko erregistro guztiak bistaratzen ditu, ezabatu gisa markatutakoak barne. Kontrol-lauki hau hautatzen baduzu, ezingo dituzu erregistroak ezabatu.
dBase formatuan, ezabatutako erregistroak fitxategian gordetzen dira.
Datu-basean egindako aldaketak bistaratzeko, itxi datu-baserako konexioa eta konektatu berriro datu-basera.
Indizeak
Indizeak elkarrizketa-koadroa irekitzen du, eta hor uneko dBase datu-baseko taula-indizeak antola ditzakezu.
Testuak goiburukoak ditu
Hautatu kontrol-lauki hori, testu-fitxategiaren lehen lerroak eremu-izenak baditu.
Eremu-bereizlea
Sartu edo hautatu testu-fitxategiko datu-eremuak bereiztuko dituen karakterea.
Testu-bereizlea
Sartu edo hautatu testu-fitxategiko testu-eremuak identifikatuko dituen karakterea. Ezin duzu karaktere bera erabili eremu-bereizle gisa.
Dezimalen bereizlea
Sartu edo hautatu testu-fitxategian dezimalen bereizle gisa erabiliko den karakterea, adibidez, puntua (0.5) edo koma (0,5).
Milakoen bereizlea
Sartu edo hautatu testu-fitxategiko milakoen bereizle gisa erabiliko den karakterea, adibidez, koma (1,000) edo puntua (1.000).
Fitxategi-luzapena
Hautatu testu-fitxategiaren formatua. Hautatzen duzun luzapenak elkarrizketa-koadro honetako ezarpen lehenetsi batzuei eragingo die.