Orokorra
Dokumentua PDF fitxategi batera esportatzeko aukera orokorrak ezartzen ditu. Orrialde-barrutia, irudiak, ur-marka, inprimakiak eta beste parametro batzuk.
Barrutia
PDF fitxategian dauden orrien esportazio-aukerak ezartzen ditu.
Dena
Definitutako inprimatze-barruti guztiak esportatzen ditu. Inprimatze-barrutirik ez badago definiturik, dokumentu osoa esportatzen du.
Orrialdeak
Koadroan idazten diren orrialdeak esportatzen ditu.
Orrialdeen barruti bat esportatzeko, erabili 3-6 formatua. Orrialde bakarrak esportatzeko, erabili 7;9;11 formatua. Nahi bada, orrialde-barrutien eta orrialde bakarren konbinazio bat esportatu daiteke, 3-6;8;10;12 formatua erabilita.
Hautapena
Uneko hautapena esportatzen du.
Bustaratu PDFa esportazioaren ondoren
Ireki esportatutako dokumentua sistemaren PDF ikustaile lehenetsian.
Irudiak
Dokumentuko irudietarako PDF esportazio-aukerak ezartzen ditu.
Kapsulatutako aurrebistak dituzten EPS irudiak aurrebista modura soilik esportatzen dira. Kapsulatutako aurrebistak ez dituzten EPS irudiak leku-marka hutsi modura esportatzen dira.
Galerarik gabeko konpresioa
Galerarik gabeko konpresioa hautatzen du irudietarako. Pixel guztiak mantenduko dira.
JPEG konpresioa
Irudiak JPEG konpresioarekin gordetzeko aukera. Kalitate altuko mailarekin ia pixel guztiak mantentzen dira. Kalitate baxuarekin, zenbait pixel galtzen dira eta artefaktuak sortzen dira, baina fitxategiaren tamaina txikitu egiten da.
Kalitatea
Sartu JPEG konpresioaren kalitate-maila.
Murriztu irudi-bereizmena
Hautatu irudiak hazbeteko birlagintzeko edo tamainaz aldatzeko hazbeteko pixel gutxiago izan ditzan.
Hautatu irudien helburuko bereizmena.
Ur-marka
Gehitu testu motako ur-marka bertikal berde argi bat orrialdearen atzeko planoari. Ur-marka ez da iturburu-dokumentuaren parte.
Sinatu ur-markarekin
Markatu lauki hau ur-markadun sinadura gaitzeko.
Testua
Txertatu ur-markadun sinaduraren testua.
Ezin da doitu ur-markaren kokalekua, orientazioa eta tamaina. Ur-marka ez da iturburu-dokumentuan biltegiratzen.
Orokorra
PDF esportazio-aukera orokorrak ezartzen ditu.
PDF hibridoa (kapsulatutako ODF fitxategia)
Ezarpen honi esker, dokumentua .pdf fitxategi gisa esportatzen da bi fitxategi-formatu dituela: PDF eta ODF. PDF ikustaileetan .pdf fitxategi normal gisa ikusiko da, eta aldi berean, LibreOffice bidez editatu ahal izango da.
Artxiboa (PDF/A ISO 19005)
PDF/A-2b edo PDF/A-1b formatuetara bihurtzen du. Dokumentu elektronikoek denbora luzez irauteko asmatu diren fitxategi-formatuak dira horiek. Iturburu-dokumentuan erabili diren letra-tipo guztiak sortutako PDF fitxategian kapsulatuko dira. PDF etiketak idatziko dira.
Etiketadun PDFa (gehitu dokumentuaren egitura)
Hautatu PDF etiketak idaztea. Horrek fitxategiaren tamaina asko handitu dezake.
Etiketadun PDFek dokumentu-edukien egiturari buruzko informazioa du. Hori lagungarria da dokumentua pantaila desberdineko gailuetan bistaratzen denean eta pantaila irakurtzen duen softwarea erabiltzen denean.
Sortu PDF inprimakia
Aukeratu PDF inprimaki bat sortzea. PDF dokumentuaren erabiltzaileak inprimakia bete eta inprimatu ahal izango du.
Bidali formatua
Hautatu PDF fitxategitik inprimakiak bidaltzeko erabiliko den formatua.
Hautatu bidaltzailetik jasoko den datuen formatua: FDF (Forms Data Format), PDF, HTML edo XML.
Ezarpen honek dokumentuan kontrolerako ezartzen den URL propietatea gainidazten du.
Onartu eremu-izen bikoiztuak
Sortutako PDF fitxategian, eremu anitzetan izen bera erabiltzea ahalbidetzen du. Desgaitzen bada, izen unibokoak erabiliko dira eremu-izenak esportatzeko.
Esportatu laster-markak
Hautatu Writer dokumentuetako laster-markak PDF laster-marka gisa esportatu daitezen. Laster-markak eskemaren paragrafo guztietarako sortzen dira (), bai eta iturburu-dokumentuan hiperestekak esleitu zaizkien aurkibideko sarrera guztietarako ere.
Esportatu leku-markak
Esportatu leku-marken eremuen ikusizko markak soilik. Esportatutako leku-marka ez da erabilgarria izango.
Iruzkinak PDF oharpen gisa
Hautatu Writer eta Calc dokumentuetako iruzkinak PDF oharpen gisa esportatzea.
Writer dokumentuetako iruzkinak LibreOffice aplikazioan erakusten diren itxurarekin esportatzeko, aukeratu eta hautatu Marjinetan aukera Iruzkinak arean. Esportatutako orrialdeak eskalatu egingo dira eta iruzkinak marjinetan kokatuko dira.
Esportatu oharren orrialdea
Esportatu oharren bista ere esportatutako PDF aurkezpen-dokumentuaren amaieran.
Esportatu oharrak soilik
Oharren bista soilik esportatzen du.
Orri osoko aurrebistak
Esportatu orri bat orrialdeko.
Esportatu automatikoki txertatutako orrialde zuriak
Aktibatuta badago, automatikoki txertatutako orrialde zuriak PDF fitxategira esportatuko dira. PDFa bi aldeetatik inprimatu nahi bada erabiltzen da aukera hori, adibidez liburu batean kapituluen paragrafo-estilo bat ezarri bada beti orrialde bakoiti batean hasi dadin. Aurreko kapitulua orrialde bakoitian amaitzen bada, LibreOffice aplikazioak zenbaki bikoitia duen orrialde zuri bat txertatuko du. Aukera honek kontrolatzen du orrialde bikoiti hori esportatuko den ala ez.
Erabili erreferentziako XObjects objektuak
Aukera honek kontrolatzen du PDF irudiak nola esportatuko diren berriro PDFra. Aukera desgaituta badago, PDF datuen lehen orria irteeran sartuko da. PDF esportazioak erabilitako irudiak, letra-tipoak eta beste baliabide batzuk batzen ditu esportazioan. Eragiketa hori konplexua da, baina emaitza ikustaile askotan bistaratu daiteke. Aukera gaituta dagoenean, erreferentziako XObject objektuaren markaketa erabiltzen da: eragiketa sinplea da, baina ikustaileek markaketa hori onartu behar dute irudi bektorialak erakusteko. Bestela, ordezko bit-mapa bat erakutsiko da.