Gertaerak
Programa-gertaerei makroak esleitzen dizkie. Esleitutako makroak automatikoki exekutatzen dira, gertaera jazotzen den aldi guztietan.
Elkarrizketa-koadroak funtzionaltasun gutxiago ditu kalkulu-orri bateko 'Editatu - Orria' menutik deitzen denean.
Gorde hemen:
Lehenik hautatu non gorde nahi duzun gertaera-lotura: uneko dokumentuan edo LibreOffice(e)n.
Dokumentu batekin gorde den makroa exekutatzeko dokumentua ireki behar da.
Zerrenda-koadro handiak gertaerak eta esleitutako makroak zerrendatzen ditu. Kokalekua hautatu ondoren Gorde hemen zerrenda-koadroan, hautatu zerrenda-koadro handiko gertaera bat. Ondoren egin klik Esleitu makroa aukeran.
Esleitu makroa
Makro-hautatzailea irekitzen du hautatutako gertaerari makro bat esleitzeko.
Esleitu osagaia...
Esleitu osagaia elkarrizketa-koadroa irekitzen du, hautatutako gertaerarako UNO komando pertsonalizatua ezartzeko.
Osagaiak esleitzea proposatzen da elkarrizketa-koadroen editoreko kontroletarako.
Kendu makroa
Hautatutako gertaerarako makroa edo osagai-esleipena ezabatzen du.