Marra
Ezarri hautatutako marraren formatu-aukerak edo marraztu nahi duzun marra. Marra batean gezi-puntak ere gehi daitezke edo diagramak alda daitezke.
Lerro-propietateak
Estiloak
Hautatu erabili nahi duzun marra-estiloa.
Koloreak
Zabalerak
Hautatu lerroaren zabalera. Neurri-unitate bat erants dezakezu. Marraren zabalera zero bada, irteerako euskarriaren pixel bateko zabalera duen marra bat sortuko da.
Gardentasuna
Sartu marraren gardentasuna. % 100a erabat gardena izango da eta % 0a erabat opakua izango da.
Datu-seriea elkarrizketa-koadroko Lerroa fitxa erabilgarri egoteko, XY Diagrama mota hautatu behar duzu.
Ikonoa
Ezarri diagramako datu-puntuaren ikurren aukerak.
Hautatu
Hautatu diagraman erabili nahi duzun ikur-estiloa. Automatikoa hautatzen baduzu, LibreOffice aplikazioak hautatutako diagrama motan ikur lehenetsiak erabiltzen ditu.
Zabalera
Sartu ikurraren zabalera.
Altuera
Sartu ikurraren altuera.
Mantendu proportzioa
Ikurraren proportzioak mantentzen ditu beste altuera edo zabalera bat sartzen duzunean.
Gezi-estiloak
Hautatutako marraren amaiera batean edo bietan gezi-puntak gehi daitezke. Zerrendan gezi-estilo pertsonalizatua gehitzeko, hautatu gezi bat dokumentuan eta ondoren egin klik elkarrizketa-koadro honen Gezi-estiloak fitxan.
Estiloa
Hautatu hautatutako marran aplikatu nahi duzun gezi-punta.
Zabalera
Sartu gezi-puntaren zabalera.
Erdian
Hautatutako marraren bukaera-muturrean jartzen du gezi punta(k).
Sinkronizatu amaierak
Beste zabalera bat sartzen duzunean, beste gezi-estilo bat hautatzen duzunean, edo gezi-puntak zentratzen dituzunean automatikoki eguneratzen ditu bi gezi-punten ezarpenak.
Izkinen eta estalkien estiloak
Izkina-estiloa
Hautatu marraren izkinetan erabiliko den forma. Marren arteko angelua txikia bada, forma ebakiaren ordez forma alakatua erabiliko da.
Estalki-estiloa
Hautatu marraren amaierako estalkien estiloa. Estalkiak barruko marrei ere gehituko zaizkie.