Datu-etiketak

Datu-etiketak elkarrizketa-koadroa irekitzen du, datu-etiketak ezartzea ahalbidetzen duena.

Datu-serie bateko elementu bat hautatzen bada, komando honek datu-serie horretan bakarrik funtzionatuko du. Elementurik hautatzen ez bada, komando honek datu-serie guztietan funtzionatuko du.

Komando hau erabiltzeko...

Aukeratu Txertatu - Datu-etiketak (diagramak)

Aukeratu Formatua - Formatua eman hautapenari - Datu-puntua/Datu-serieak - Datu-etiketak fitxa (datu-puntu eta datu-serietarako) (Diagramak)


Erakutsi balioa zenbaki gisa

Datu-puntuen balio absolutuak bistaratzen ditu.

Zenbaki-formatua

Zenbaki-formatua hautatzea ahalbidetzen duen elkarrizketa-koadro bat irekitzen du.

Erakutsi balioa ehuneko gisa

Zutabe bakoitzeko datu-puntuen ehunekoa bistaratzen du.

Ehunekoaren formatua

Ehunekoen formatua hautatzea ahalbidetzen duen elkarrizketa-koadro bat irekitzen du.

Erakutsi kategoria

Datu-puntuen testu-etiketak erakusten ditu.

Erakutsi legenda-gakoa

Datu-puntuen etiketa bakoitzaren ondoko legenda-ikonoak bistaratzen ditu.

Bereizlea

Objektu bereko testu-kate anitzen arteko bereizlea hautatzen du.

Kokapena

Datu-etiketak, objektuekiko, non kokatuko diren hautatzen du.

Testuaren noranzkoa

Zehaztu testuaren noranzkoa testu-diseinu konplexua (CTL) erabiltzen duten paragrafoetarako. Eginbide hau erabilgarri egoteko, beharrezkoa da testu-diseinu konplexua gaituta egotea.

Biratu testua

Sakatu disko-markagailuan, datu-etiketen testu-orientazioa ezartzeko.

Sartu datu-etiketek izango duten biratze-angelua, erlojuaren orratzen kontrako noranzkoan.

Emaguzu laguntza!