Menuak
Menu-komando hauek dituzu erabilgarri kalkulu-orrietan.
Landu nahi duzun dokumentuaren leihoak hautatuta egon behar du menu-komandoak erabiltzeko. Era berean, dokumentuko objektu bat hautatu behar duzu, objektuarekin asoziatutako menu-komandoak erabiltzeko.
Menuak testuinguruaren araberakoak dira. Alegia, unean egiten ari zaren lanari dagozkion menu-komandoak bakarrik egongo dira erabilgarri. Kurtsorea testuan badago, testua editatzeko behar diren menu-komando guztiak egongo dira erabilgarri. Baina, esate baterako, dokumentu batean irudiak hautatu badituzu, irudiak editatzeko behar dituzun menu-komandoak jarriko zaizkizu eskura.
Fitxategia
Komando hauek uneko dokumentuari aplikatu, dokumentu berri bat ireki edo aplikazioa ixten dute.
Txertatu
Elementu berriak txertatzeko komandoak aurkituko dituzu Txertatu menuan, hala nola gelaxkak, orriak eta gelaxka-izenak uneko orrian txertatzeko komandoak.
Formatua
Formatua menuko komandoekin formatua eman ahal izango diezu dokumentuko gelaxkei, objektuei, eta gelaxka-edukiei.
Datuak
Uneko orriko datuak editatzeko erabili Datuak menuko komandoak. Barrutiak defini ditzakezu, datuak ordenatu eta iragazi, emaitzak kalkulatu, datuak eskema gisa erakutsi eta taula dinamikoa sortu.
Tresnak
Tresnak menuko komandoekin ortografia egiaztatu ahal izango duzu, orri-erreferentziak markatu, akatsak aurkitu eta agertokiak definitu.