Liburutegiak eta moduluak antolatzea

Basic liburutegi-edukiontziak

LibreOffice Basic liburutegiak 3 edukiontzi mota desberdinetan biltegiratu daitezke:

• LibreOffice makroak: edukiontzi honetan biltegiratutako liburutegiak ordenagailuko erabiltzaile guztientzat daude erabilgarri eta ordenagailuaren administratzaileak kudeatzen ditu. Edukiontzia LibreOffice instalazioaren direktorioan dago.

• Nire makroak: edukiontzian biltegiratutako liburutegiak zure erabiltzailearen dokumentu guztietarako daude erabilgarri. Edukiontzia erabiltzaile-profilaren direktorioan dago eta beste erabiltzaileek ezin dute atzitu.

• Dokumentua: dokumentuaren edukiontzian biltegiratutako liburutegiak dokumentu horretan soilik daude erabilgarri eta hura irekita dagoenean soilik atzitu daitezke. Ezin dira dokumentu baten makroak beste dokumentu batetik atzitu.

LibreOffice makroak edo Nire makroak guneetan gordetako makroak beste edukiontzi batetik erabili ahal izateko, dokumentuaren edukiontzitik barne, erabili GlobalScope adierazlea.

Liburutegiak antolatzea

Liburutegi berria sortzea

1. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

2. Egin klik Liburutegiak fitxan.

3. Hautatu liburutegia non erantsi nahi duzun Kokagunea zerrendan. 'LibreOffice makroak eta elkarrizketa-koadroak' hautatzen baduzu, liburutegia LibreOffice aplikazioan egongo da eta dokumentu guztientzat egongo da erabilgarri. Dokumentu bat hautatzen baduzu, liburutegia dokumentu horri erantsiko zaio eta hor bakarrik egongo da erabilgarri.

4. Hautatu Berria eta idatzi izen bat liburutegi berria sortzeko.

Inportatu liburutegi bat

1. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

2. Egin klik Liburutegiak fitxan.

3. Hautatu liburutegia non erantsi nahi duzun Kokagunea zerrendan. 'LibreOffice makroak eta elkarrizketa-koadroak' hautatzen baduzu, liburutegia LibreOffice aplikazioan egongo da eta dokumentu guztientzat egongo da erabilgarri. Dokumentu bat hautatzen baduzu, liburutegia dokumentu horri erantsiko zaio eta hor bakarrik egongo da erabilgarri.

4. Sakatu Erantsi eta hautatu erantsi beharreko kanpoko liburutegia.

5. Hautatu erantsi beharreko liburutegi guztiak Erantsi liburutegiak elkarrizketa-koadroan. Elkarrizketa-koadro horretan hautatutako fitxategian dauden liburutegi guztiak bistaratzen dira.

6. Liburutegia erreferentzia gisa soilik txertatu nahi baduzu, markatu Txertatu erreferentzia gisa (irakurtzeko soilik) koadroa. Irakurtzeko soilik diren liburutegiak odo erabilgarriak dira, baina ezin dira Basic IDEn aldatu.

7. Izen bera duten liburutegiak gainidaztea nahi baduzu, markatu Ordeztu lehendik dauden liburutegiak koadroa.

8. Sakatu Ados liburutegia eransteko.

Esportatu liburutegi bat

1. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

2. Egin klik Liburutegiak fitxan.

3. Zehaztu non dagoen zure liburutegia Kokagunea zerrendan. Hautatu esportatu nahi duzun liburutegia. Kontuan izan ezin duzula Estandarra liburutegia esportatu.

4. Sakatu Esportatu...

5. Hautatu liburutegia nola esportatu nahi duzun, luzapen gisa edo oinarrizko liburutegi gisa.

6. Sakatu Kendu.

7. Hautatu nora esportatu nahi duzun liburutegia.

8. Sakatu Ados liburutegia eransteko.

Liburutegiak ezabatzea

1. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

2. Egin klik Liburutegiak fitxan.

3. Hautatu zerrendatik ezabatzea nahi duzun liburutegia.

4. Sakatu Ezabatu.

• Liburutegi bat behin betiko ezabatzean, lehendik dauden modulu guztiak eta dagozkien prozedura eta funtzioak ezabatzen dira.

• "Standard" izeneko liburutegi lehenetsia ezin duzu ezabatu.

• Erreferentzia gisa txertatutako liburutegia ezabatzen baduzu, erreferentzia bakarrik ezabatzen da, ez liburutegia bera.

Moduluak eta elkarrizketa-koadroak antolatzea

Modulu edo elkarrizketa-koadro berria sortzea

1. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

2. Egin klik Moduluak edo Elkarrizketa-koadroak fitxan.

3. Hautatu modulua zein liburutegitan txertatuko den eta sakatu Berria.

4. Idatzi moduluaren edo elkarrizketa-koadroaren izena eta sakatu Ados.

Moduluei edo elkarrizketa-koadroei izena aldatzea

1. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

2. Egin klik bitan izena aldatu behar zaion moduluan, kliken artean pausa eginez. Idatzi izen berria.

   Basic IDEn, egin klik eskuineko botoiaz moduluaren edo elkarrizketa-koadroaren izenean pantailaren beheko fitxetan, aukeratu Izena aldatu eta idatzi izen berria.

3. Sakatu ⏎ aldaketak berresteko.

Moduluak edo elkarrizketa-koadroak ezabatzea

1. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

2. Egin klik Moduluak edo Elkarrizketa-koadroak fitxan.

3. Hautatu zerrendatik ezabatu beharreko modulua edo elkarrizketa-koadroa. Beharrezkoa izanez gero, egin klik bikoitza sarrera batean azpisarrerak erakusteko.

4. Sakatu Ezabatu.

Proiektuak dokumentuen edo txantiloien artean antolatzea

Moduluak dokumentu, txantiloi eta aplikazio batetik bestera eramatea edo kopiatzea.

1. Ireki dokumentu edo txantiloi guztiak, non horien artean moduluak edo elkarrizketa-koadroak lekuz aldatu edo kopiatzea nahi duzun.

2. Aukeratu Tresnak - Makroak - Antolatu makroak - LibreOffice Basic eta sakatu Antolatzailea, edo egin klik Basic IDEko Hautatu modulua ikonoan Makro-antolatzailea elkarrizketa-koadroa irekitzeko.

3. Modulu edo elkarrizketa-koadroak beste dokumentu batera eramateko, egin klik dagokion objektuan eta arrastatu nahi duzun kokagunera. Marra horizontal batek uneko objektuaren helburu-kokagunea adierazten du objektua arrastatzen duzun bitartean. Mantendu sakatuta tekla, objektua arrastatzean objektua kopiatzeko lekuz aldatu beharrean.