Barras de ferramentas
Esta sección fornece unha visión xeral das barras de ferramentas dispoñíbeis no Writer do LibreOffice.Esta vista xeral describe a configuración predefinida para as barras de ferramentas de LibreOffice.
Barra Debuxo
A barra Debuxo contén ferramentas de edición usadas con frecuencia. Prema na frecha colocada xunto a unha icona para abrir unha barra de ferramentas con ordes adicionais.
Barra de imaxes
A barra Imaxe contén funcións de formatado e posicionamento de imaxes de mapa de bits.
Barra Marco
Cando un marco está seleccionado, a barra Marco fornece as funcións máis importantes para formatalo e situalo.
Barra Obxecto OLE
A barra Obxecto OLE aparece cando os obxectos están seleccionados. Contén as funcións máis importantes para o formatado e posicionamento dos obxectos.
Barra de táboa
A barra Táboa contén as funcións necesarias para traballar con táboas. Aparece se sitúa o cursor dentro dunha táboa.
Barra Propiedades de obxecto de debuxo
Pódese ver a barra Propiedades do obxecto de debuxo no Writer e no Calc. Seleccione o menu Ver - Barras de ferramentas - Propiedades do obxecto de debuxo. Os controis activaranse cando seleccione un obxecto de debuxo. Veranse algunhas iconas diferentes predeterminadas, cando o documento sexa de texto ou unha folla de cálculo.
Barra Viñetas e numeración
A barra Viñetas e numeración contén funcións para modificar a estrutura dos parágrafos numerados, incluído o cambio de orde dos parágrafos ou a definición de diferentes niveis.
Barra Obxecto de texto
Contén ordes de formatado para textos contidos en obxectos de debuxo. A barra Obxecto de texto aparece se preme dúas veces nun obxecto de debuxo.
Barra Estado
A barra Estado contén información sobre o documento así como varios botóns con funcións especiais.
Visualizar impresión
A barra Visualización de páxina amósase ao ver o documento no modo de visualización de páxina.
Regras
As regras mostran as dimensións da páxina e a posición das tabulacións, sangrías, bordos e columnas. Pode usar o rato para modificar estas opcións.
Barra de fórmulas
A barra de fórmulas permite crear e inserir cálculos en documentos de texto. Para activar a barra de fórmulas, prema en F2.
Inserir
A barra de ferramentas contén funcións para a inserción de marcos, imaxes, táboas e outros obxectos.
Barra de clasificación
A barra Clasificación contén ferramentas que axudan a xestionar documentos de maneira segura.
A barra de ferramentas Clasificación contén caixas de opcións que axudan a seleccionar a seguranza do documento segundo as políticas de categorías BAF e os niveis BAILS. O LibreOffice engade campos personalizados ás propiedades do documento (Ficheiro - Propiedades, lapela Propiedades personalizadas) para almacenar a política de clasificación como metadatos do documento.
Vaia ao menú Ver - Barras de ferramentas e seleccione Clasificación
Barra de ferramentas de combinación de correspondencia
A barra de ferramentas da combinación de correspondencia contén as ordes para os últimos pasos do proceso de combinación de correspondencia.