Pegar o contido en formatos especiais
O contido almacenado no portapapeis pode pegarse no seu documento usando diferentes formatos. LibreOffice permítelle escoller pegar o contido mediante unha caixa de diálogo ou a través dunha icona despregábel.
As opcións dispoñíbeis varían en función do contido do portapapeis.
Ctrl+Maiús+J
Pegar o contido do portapapeis mediante unha icona de menú
-
Para abrir o menú prema a frecha situada ao lado da icona Pegar na barra Estándar.
-
Seleccione unha das opcións.
Se non lle satisfai o resultado pode premer na icona Desfacer e pegar de novo mediante outra opción.
Pegar o contido do portapapeis mediante unha caixa de diálogo
-
Escolla Editar - Pegado especial.
-
Seleccione unha das opcións e prema Aceptar.
Se ten aberta unha folla de cálcuIo e o contido do portapapeis son celas de folla de cálculo, aparece unha caixa de diálogo de Pegado especial diferente. Úsea para copiar celas mediante opcións básicas ou avanzadas.
-
Traspor: Permuta as filas e as columnas do intervalo de celas que desexa pegar.
-
Ligazón: Pega o intervalo de celas como unha ligazón. Se o ficheiro de orixe cambia tamén o fan as celas pegadas.
-
As demais opcións explícanse na axuda ao abrir a caixa de diálogo Pegado especial desde LibreOffice Calc.