Asistente de conversión de euros
Converte a euros as cantidades noutras moedas que se atopen nos documentos do Calc do LibreOffice e nos campos e táboas do Writer do LibreOffice.
Só se converten os ficheiros pechados. É posíbel, no entanto, utilizar o Conversor de euros nun documento de Calc aberto. Nese caso, ábrese unha caixa de diálogo independente, descrita ao final desta sección.
Só se converten moedas de países integrados na Unión Monetaria Europea.
Extensión
Documento único do Calc do LibreOffice
Converte un único ficheiro do Calc do LibreOffice. Para converter campos e táboas no Writer do LibreOffice marque primeiro a opción Converter tamén campos e táboas de documentos de texto.
Todo o cartafol
Converte todos os documentos e modelos do Calc do LibreOffice e do Writer do LibreOffice que haxa no directorio seleccionado.
Moedas
Indica que moeda se ha converter a euros.
Cartafol fonte/Documento fonte
Indica o directorio ou o nome do único documento que se ha converter.
...
Abre un diálogo para seleccionar o directorio ou documento desexados.
Incluír subcartafoles
Indica se se inclúen todos os subcartafoles do directorio seleccionado.
Converter tamén campos e táboas en documentos de texto
Converte as cantidades en moedas atopadas en campos e táboas dos documentos do Writer do LibreOffice.
Os valores do documento de texto situados fóra dos campos ou táboas non se converten.
Desprotexer temporalmente a folla sen consulta
Indica que a protección de folla estará desactivada durante a conversión e reactivada a continuación. Se a protección de folla está cuberta por un contrasinal, verá un diálogo para introducir o contrasinal.
Cartafol de destino
Indica o cartafol e ruta na que se han gardar os ficheiros convertidos.
...
Abre un diálogo no que se pode seleccionar un directorio para que conteña os ficheiros convertidos.
Cancelar
Pecha o Conversor de euros.
Axuda
Activa a axuda do diálogo.
Converter
Inicia a conversión.
Durante a conversión móstrase unha páxina informativa do seu progreso.
Volver
Volve á primeira páxina do Conversor de euros.
Se o documento actual é un documento ou modelo do Calc do LibreOffice, pódese invocar o Conversor de euros empregando a icona correspondente da barra Ferramentas. A icona está agochada por omisión. Para mostrar a icona do Conversor de euros, prema na frecha que hai no final da barra Ferramentas, seleccione a orde Botóns visíbeis e active a icona do Conversor de euros.
Conversor de euros
A caixa de diálogo Conversor de euros contén as seguintes funcións:
Todo o documento
Converte o documento enteiro.
Moedas
Indica a moeda que se ha converter en euros.
Selección
Se non marcou a caixa de verificación Documento completo terá que seleccionar as celas que desexe converter neste intervalo. Seleccione unha opción e, a seguir, prema nas entradas desexadas no campo Modelos/Intervalos monetarios. O intervalo seleccionado móstrase como tal no documento. Prema en Converter para realizar a conversión.
Estilos de cela
Convértense todas as celas cos estilos de cela seleccionados.
Celas de moeda na folla actual
Convértense todas as celas de moeda da folla de cálculo activa.
Celas de moeda en todo o documento
Convértense todas as celas de moeda do documento activo.
Intervalo seleccionado
Convértense todas as celas de moeda do intervalo seleccionado antes de que o conversor fose invocado. Todas as celas deben ter o mesmo formato para poderen ser recoñecidas como intervalo seleccionado.
Intervalos monetarios/Modelos
Mostra os intervalos que se han converter da lista.