Axuda do LibreOffice
As páxinas de axuda do LibreOffice móstranse no navegador web predeterminado do seu sistema.
O sistema de axuda de todas as versións do software baséase nos mesmos ficheiros fonte. Algunhas das funcións descritas na axuda poden non estar incluídas nesta distribución en particular. Algunhas características específicas dunha distribución poden non ser mencionadas nesta axuda.
As páxinas de axuda das extensións do LibreOffice aínda empregan o sistema de axuda antiga. As páxinas de axuda do sistema de axuda antigo están dispoñíbeis aquí.
Os recursos das páxinas de axuda do LibreOffice
A lista de módulos
Situados na parte superior da páxina, prema para abrir a lista despregábel e seleccione o módulo do LibreOffice para mostrar a páxina principal de entrada da axuda do módulo.
A lista de idiomas (só para a axuda na rede).
Dispoñíbel só na versión na rede, seleccione o idioma no que mostrar a páxina de axuda actual.
O índice analítico da axuda
O índice analítico da axuda mostra unha lista das palabras chaves de todos os módulos do LibreOffice. Prema en calquera palabra chave da lista para abrir a páxina de axuda ligada.
Buscar no índice analítico da axuda
Escriba a palabra chave na caixa Procurar. A busca realízase inmediatamente, segundo vai escribindo a palabra chave.
Os resultados das buscas aparecen como unha lista filtrada de coincidencias. O nome do módulo aparece como título da lista. O título GLOBAL indica unha coincidencia de palabras chave relevante para máis de un módulo do LibreOffice. Por exemplo, os bordos de cela aplícanse tanto ás celas das follas de cálculo como ás celas de táboa ou marcos de textos e presentacións.
Empregue as iconas das frechas do fondo do índice analítico para ir para adiante e para atrás das entradas do índice analítico ou lista filtrada de resultados.
Índice - Temas principais da Axuda
Mostra un índice dos principais temas de todos os módulos.
-
Prema nun cartafol pechado (⊞) para abrilo e mostrar os subcartafoles e páxinas de Axuda que conteña.
-
Prema nun cartafol aberto (⊟) para pechalo e agochar os subcartafoles e páxinas de Axuda que conteña.
-
Prema nunha ligazón para mostrar a páxina de axuda correspondente.
Uso do navegador para a axuda do LibreOffice
Navegar polas páxinas de axuda
Empregue os botóns Atrás e Adiante do navegador para navegar entre as páxinas. Na maioría dos navegadores ao premer durante certo tempo no botón Atrás móstrase unha lista despregábel das páxinas visitadas e premer durante certo tempo no botón Adiante mostra unha lista de páxinas visitades despois da actual.
Marcar as páxinas de axuda
Use a funcionalidade de marcadores do navegador para acceder rapidamente ás páxinas de axuda relevantes. Para marcar unha páxina na maioría dos navegadores:
-
Abra o menú Marcador do navegador,
-
seleccione Engadir marcador ou
Prema OrdeCtrl+D na maioría dos navegadores.
-
Introduza o nome, cartafol e etiquetas significativas do marcador.
-
Peche o diálogo de marcadores do navegador web.
Historial de navegación das páxinas de axuda
Cada páxina de axuda visitada fica gravada no historial do navegador. Para abrir o historial de navegación:
-
Escolla o menú Historial do navegador web,
-
Seleccione Mostrar historial.
-
Prema nunha entrada da xanela principal do historial para abrir a páxina de axuda correspondente.
Copiar contido da axuda para o portapapeis
Pode copiar o contido da páxina de axuda para o portapapeis do seu sistema operativo coas ordes de copiado habituais. Por exemplo:
-
Nunha páxina de axuda, seleccione o texto que desexe copiar.
-
Prema OrdeCtrl+C.
Pódese copiar algún contido das páxinas de axuda ao portapapeis do sistema con só un clic do rato. Nestes casos aparece unha suxestión ao pasar o rato sobre o contido activado para o copiado. Por exemplo, a liña seguinte está activada para o copiado:
=SUMA(A1:A10)
Buscar na páxina actual
Para buscar na páxina de axuda actual:
-
Abra o menú Ver do navegador web predeterminado e escolla a entrada Atopar nesta páxina.
Tamén pode premer OrdeCtrl+F.
-
Na caixa Buscar introduza o texto que desexe atopar.
-
Seleccione as opcións de busca que desexe usar.
-
Prema Intro.
Para atopar a aparición seguinte do termo de busca na páxina, prema en Frecha para arriba ou Frecha para abaixo para atopar a aparición anterior ou seguinte.