Información sobre filtros de importación e exportación
Alén dos seus propios formatos XML, o LibreOffice permite abrir e gardar moitos formatos XML externos.
En UNIX, algúns formatos de ficheiro non son recoñecidos automaticamente. LibreOffice normalmente recoñece automaticamente o tipo de ficheiro ao abrir un ficheiro. Nalgúns casos, talvez precise de introducir manualmente o tipo de ficheiro na caixa de diálogo Abrir. Por exemplo, se quere abrir a táboa dunha base de datos en formato de texto como táboa de base de datos, terá que especificar o tipo de ficheiro "Texto CSV" despois de seleccionalo.
Macros de Basic en documentos de MS Office
En LibreOffice - PreferenciasFerramentas - Opcións - Cargar/Gardar - Propiedades de VBA é posíbel indicar a configuración dos códigos das macros en VBA nos documentos do Office da Microsoft. As macros en VBA non poden seren executados no LibreOffice; primeiro han de ser convertidos e adaptados. Normalmente só hai que usar o LibreOffice para cambiar o contido visíbel dun ficheiro de Word, Excel ou PowerPoint e gravar despois o ficheiro de novo no formato do Office da Microsoft sen cambiar as macros que conteñen. Pode configurar o comportamento do LibreOffice como desexe: Ou que as macros en VBA se garden en forma comentada como subrutina do LibreOffice e que cando o documento se garde no formato do Officename da Microsoft se escriban de maneira correcta de novo ou que as macros do Office da Microsoft se retiren ao cargar. Esta última opción é unha protección efectiva contra os virus dos documentos do Office da Microsoft.
Notas sobre formatos externos e tipos de ficheiros
Mesmo non estando instalados, algúns filtros poden ser seleccionados nas caixas de diálogo Abrir e Gardar. Se selecciona un deses filtros, mostrarase unha mensaxe dicindo que aínda o pode instalar se o necesita.
Para instalar filtros adicionais ou eliminar filtros individuais da instalación, peche LibreOffice, inicie o programa de instalación e seleccione a opción Modificar. De seguida, verá unha caixa de diálogo en que poderá engadir ou eliminar compoñentes individuais de LibreOffice. Os filtros gráficos encóntranse en "Compoñentes opcionais".
Importación e exportación de documentos de texto
O Writer do LibreOffice pode ler diversas versións do formato de texto do Word da Microsoft. Vostede tamén pode gardar os seus propios textos no formato do Word. Porén, non todo o que está dispoñíbel co Writer do LibreOffice pode ser transferido ao Word e non todo pode ser importado.
A importación xeralmente non ofrece problemas. Mesmo se importan (e exportan) os controis e a información de revisión para que LibreOffice poida recoñecer as cadeas de texto inseridas ou eliminadas en documentos de Word, así como os atributos de tipo de letra modificados. Tamén se inclúen cores específicas para cada autor e para a hora de tales modificacións. Cando se importan desde os modelos as etiquetas e caixas de texto dunha imaxe, tamén se importa a maioría dos atributos como atributos de debuxo e de parágrafo. No entanto, é posíbel que se perdan algúns deles durante o proceso de importación.
Tamén é posíbel importar e exportar ficheiros RTF. Este formato de ficheiro pódese empregar para intercambiar textos formatados entre varios aplicativos e plataformas. Dese modo, poden transferirse sen problema moitos dos formatos que normalmente recoñecen os programas. O portapapeis utiliza o formato RTF cando insire parte dunha folla de LibreOffice Calc a través de DDE en LibreOffice Writer.
O filtro Texto codificado axúdao a abrir e gardar documentos de texto con outra codificación de tipo de letra. Este filtro abre unha caixa de diálogo que fai posíbel a selección do conxunto de caracteres, de tipos de letra predefinidos, idioma e quebra de parágrafos.
Importación e exportación en formato HTML
LibreOffice Writer permite inserir notas ao pé de páxina e ao final dun documento HTML. As notas expórtaas como etiquetas meta e os caracteres que as compoñen como hiperligazóns.
Os comentarios empréganse para incluír caracteres descoñecidos nun documento en HTML. Toda nota que comece por «HTML:...» e remate por ">" é tratada como código HTML mais expórtase sen esas designacións. Pódense incluír diversas etiquetas arredor do texto a continuación de "HTML:..." Os caracteres acentuados convértense ao conxunto de caracteres ANSI. Os comentarios créanse durante a importación (por exemplo, para meta-etiquetas que non teñen sitio nas propiedades do ficheiro ou para etiquetas descoñecidas).
A importación HTML de LibreOffice Writer le ficheiros con codificacións de caracteres UTF-8 ou UCS2. Por tanto, é posíbel exhibir calquera carácter do conxunto de caracteres ANSI ou do sistema.
Ao exportar a HTML emprégase o conxunto de caracteres seleccionado en LibreOffice - PreferenciasFerramentas - Opcións - Cargar/Gardar - Compatibilidade con HTML. Os caracteres que non estean presentes escríbense en forma substituta, que se mostra correctamente nos navegadores web modernos. Ao exportar eses caracteres vostede recibirá un aviso relacionado.
Se, en LibreOffice - PreferenciasFerramentas - Opcións - Cargar/Gardar - Compatibilidade con HTML, vostede selecciona Firefox da Mozilla, Internet Explorer da Microsoft ou Writer do LibreOffice como opción de exportación, ao exportar todos os atributos importantes de tipo de letra expórtanse como atributos directos (por exemplo, cor de texto, tamaño da letra, grosa, cursiva, etc.) en estilos CSS1 (CSS significa Follas de Estilo en Cascada). A importación tamén se realiza seguindo este estándar.
A propiedade «tipo de letra» corresponde co Firefox da Mozilla; isto é, antes do tamaño do tipo de letra pódense indicar valores opcionais de «font-style» (cursiva, ningún), «font-variant» (normal, versaletas) e «font-weight» (normal, grosa).
-
Por exemplo, «Font: bold italic small-caps 12pt/200% Arial, Helvetica» muda a negra, cursiva, versaletas, espazamento duplo con tipo de letra Arial ou Helvetica, se non hai Arial.
-
«Font: 10pt» alterna a un tipo de letra de 10pt, con negra, cursiva e versaletas desactivado.
Se estabelece o Internet Explorer da Microsoft ou o Write do LibreOffice como opción de exportación, o tamaño do campo de control e as súas marxes internas expórtanse como estilos (formatos de impresión). As propiedades de tamaño da CSS1 baséanse en valores de «largura» e «altura». A propiedade «Marxe» utilízase para definir marxes iguais en todos os lados da páxina. Para estabelecer marxes diferentes utilízanse as propiedades «Marxe-esquerda», «Marxe-Dereita», «Marxe-Superior» e «Marxe-Inferior».
As distancias dos gráficos e engadidos ao contido poden ser definidas individualmente para a súa exportación ao Writer do LibreOffice e ao Internet Explorer da Microsoft. Se as marxes superior/inferior ou dereita/esquerda son diferentes, as distancias expórtanse nunha opción «STYLE» para a etiqueta correspondente como propiedades de tamaño de CSS1 «Margin-Top», «Margin-Bottom», «Margin-Left» e «Margin-Right».
Os marcos de textos son posíbeis co uso das extensións de CSS1 para obxectos con posición absoluta. Isto aplícase só ás opcións de exportación ao Firefox da Mozilla, o Internet Explorer da Microsoft e o Writer do LibreOffice. Os marcos de texto pódense caliñar como gráficos, Engadidos,e marcos flotantes, mais non é posíbel cos marcos ligados a caracteres.
Os marcos de texto expórtanse como etiquetas "<SPAN>" ou "<DIV>" cando non conteñen columnas. No caso contrario, expórtanse como "<MULTICOL>".
A unidade de medida definida en LibreOffice emprégase para as propiedades de CSS1 da exportación a HTML. A unidade pode ser definida por separado para os documentos de texto e HTML en LibreOffice - PreferenciasFerramentas - Opcións - Writer do LibreOffice - Xeral ou LibreOffice - PreferenciasFerramentas - Opcións - LibreOffice Writer/Web - Ver. O número de decimais exportados depende da unidade.
|
Unidade de medida |
Nome da unidade de medida na CSS1 |
Número máximo de decimais |
|
Milímetro |
mm |
2 |
|
Centímetro |
cm |
2 |
|
Polgada |
pol |
2 |
|
Pica |
pi |
2 |
|
Punto |
pt |
1 |
O filtro de páxinas web do LibreOffice admite algunhas capacidades de CSS2. Porén, para usalo hai que activar a exportación da disposición de impresión en LibreOffice - PreferenciasFerramentas - Opcións - Cargar/Gravar- Compatibilidade con HTML.
Importación e exportación de numeración
Se, en LibreOffice - PreferenciasFerramentas - Opcións - Cargar/Gardar - Compatibilidade con HTML, a opción de exportación «Writer do LibreOffice» ou «Internet Explorer» estiveren seleccionadas, os sangrados das numeracións expórtanse como propiedade «margin-left» de CSS1 no atributo STYLE das etiquetas <OL> e <UL>. A propiedade indica a diferenza relativa co sangrado do nivel superior seguinte.
As sangrías de parágrafo á esquerda na numeración indícanse como propiedade "Marxe-Esquerda" da CSS1. As sangrías de primeira liña ignóranse e non se exportan.
Importación e exportación de ficheiros de folla de cálculo
LibreOffice importa e exporta referencias a seccións excluídas como, por exemplo, unha columna a que se facía referencia. Durante o proceso de exportación pódese ver a fórmula global e a referencia excluída contén unha indicación (#REF!) sobre a referencia. Durante a importación créase unha #REF! en correspondencia coa referencia.
Importación e exportación de ficheiros gráficos
Como nos documentos HTML, para abrir un ficheiro gráfico de LibreOffice pódese escoller utilizar un filtro co elemento LibreOffice Impress no nome ou sen el. Sen o elemento, o ficheiro ábrese como documento de LibreOffice Draw. Con el, o ficheiro, gardado nunha versión antiga do programa, ábrese en LibreOffice Impress.
Cando se importa un ficheiro EPS, móstrase no documento unha visualización da imaxe. Se a visualización non está dispoñíbel, móstrase un marcador proporcional ao tamaño da imaxe. En Unix e Microsoft Windows pódese imprimir o ficheiro importado empregando unha impresora PostScript. Se se emprega unha diferente, imprímese a visualización. Durante a exportación de imaxes EPS, créase unha visualización no formato TIFF ou EPSI. Cando se exporta unha imaxe EPS xunto con outras imaxes no formato EPS, ese ficheiro incorpórase sen alteracións ao novo ficheiro.
Permítense TIFFs de varias páxinas cando se importan ou exportan imaxes en formato TIFF. As imaxes recupéranse como conxunto de imaxes individuais nun único ficheiro como, por exemplo, cada páxina dun fax.
A algunhas opcións de LibreOffice Draw e LibreOffice Impress pódese acceder a través de Ficheiro - Exportar.
PostScript
Para exportar un documento ou imaxe no formato PostScript:
-
Se aínda non o fixo, instale un controlador de impresora PostScript como, por exemplo, o Apple LaserWriter.
-
Imprima o documento coa orde de menú Ficheiro - Imprimir.
-
Seleccione a impresora PostScript na caixa de diálogo e marque a caixa de verificación Imprimir no ficheiro. Crearase un ficheiro PostScript.