Rotar obxectos
Pode rotar un obxecto sobre o seu punto dinámico predeterminado (punto central) ou o punto que designe.
Seleccione o obxecto que desexa rotar. Na barra de ferramentas Modo de LibreOffice Draw ou na barra Debuxo de LibreOffice Impress, prema na icona Rotar.
Mova o apuntador ata a agarradoira dun canto, de forma que se transforme nun símbolo de rotación. Arrastre a agarradoira para rotar o obxecto.
Manteña presionada a tecla Maiús para restrinxir a rotación a múltiplos de 15 graos.
Prema o botón dereito do rato para abrir o menú de contexto. Escolla Posición e tamaño - Rotación para inserir un ángulo de rotación exacto.
Para modificar o punto dinámico, arrastre o círculo pequeno do centro do obxecto a outro lugar.
Para inclinar o obxecto vertical ou horizontalmente arrastre unha das agarradoiras laterais.