Laga og leggja til sidestilar

LibreOffice bruker sidestilar for å spesifisera oppsettet av ei side, for eksempel sideretning, bakgrunn, margar, topptekstar, botntekstar og tekstspalter. For å endra oppsettet på éi enkelt side i eit dokument, kan du laga og bruka ein tilpassa sidestil på sida.

Endra sideretning (liggjande eller ståande)

Endra sidebakgrunn

Slik lagar du ein ny sidestil

1. Vel Vis → Stilar.

2. Trykk på knappen Sidestilar.

3. Høgreklikk på eit element i lista over sidestilar og vel Ny.

4. På fana Handsamar kan du skriva eit namn på sidestilen i feltet Namn.

5. Gjer éin av desse:

• For å bruka ein sjølvvald sidestil på ei enkelt sida, vel sidestilen som er brukt i feltet Neste stil i standardstilen som er brukt for sida.

• For å bruka ein sjølvvald sidestil på fleire sider, vel stilnamnet i feltet Neste stil. For å avslutta bruken av stilen, set inn eit manuelt sideskift og vel ein annan sidestil.

6. Bruk fanene i dialogvindauget for å setja vala for utsjånaden til sidestilen. Trykk deretter på OK.

Slik legg du til ein sidestil

1. Trykk på den sida i dokumentet du vil bruka sidestilen på.

2. Vel Vis → Stilar og klikk på knappen Sidestilar.

3. Dobbeltklikk på eit namn på lista.

Slik legg du ein sidestil til eni side

1. Trykk på den staden i dokumentet der du vil at den nye sida skal byrja.

2. Vel Set inn → Fil.

3. Vel Sideskift.

4. I boksen Stil vel du sidestilen som skal brukast på den sida som kjem etter eit manuelt sideskift.

5. Trykk OK.