Sjølvvalde kantlinjer i tekstdokument

Du kan bruka ulike typar kantlinjer på valde celler i ein Writer-tabell eller på heile tabellen. Andre objekt i tekstdokument kan også ha sjølvvalde kantlinjer. For eksempel kan du laga kantlinjer på sidestilar, rammer og på bilete eller diagram som er sette inn.

1. Merk cella eller celleområdet i Writer-tabellen.

2. Vel Tabell → Eigenskapar.

3. Trykk på fana Kantlinjer i dialogvindauget.

4. Vel kantinnstillingane du ønskjer og trykk på OK.

Vala i Linjeoppstilling gjev deg høve til å velja fleire kantlinjestilar.

Celleutval

Korleis området ser ut er avhengig av kva celler som er markert.

Utval	Linjeoppsett-området
Ei celle som er markert i ein tabell som er større enn éi celle eller skrivemerket er plassert i ein tabell utan at celler er valde.
Tabell med éi celle, denne er vald
Cellene i ein kolonne er valde
Cellene i ei rad er valde
Ein heil tabell med storleik 2×2 celler eller meir er markert

Standardval

Trykk på eitt av standard-ikona for å setja eller nullstilla fleire rammer.

• Dei tynne, grå linjene på bileta på ikona viser kva kantlinjer som vert fjerna.

• Dei mørke linjene på bileta på ikona viser kva kantlinjer som vert laga, med den valde linjestilen og -fargen.

• Dei tjukke, grå linjene på bileta på ikona viser kva linjer som ikkje vert endra.

Eksempel

Marker ei blokk på omkring 8ˣ8 celler og vel deretter Format → Celler → Kantlinjer.

• Trykk på ikonet heilt til venstre for å fjerna alle linjer. Dette fjernar både ytre kantlinjer og alle indre linjer.

• Trykk på det andre ikonet frå venstre for å laga ei ytre kantlinje og fjerna alle andre linjer.

• Trykk på ikonet heilt til høgre for å laga ei ytre kantlinje. Dei indre linjene vert ikkje endra.

No kan du halda fram for å sjå kva linjer dei andre ikona vil laga eller fjerna.

Sjølvvalde innstillingar

Du kan trykkje i området Brukardefinert for å leggja til eller fjerna individuelle linjer. Førehandsvisinga viser tre ulike typar linjer.

Trykk fleire gongar på ein kant eller eit hjørne for å skifta mellom dei tre ulike formene.

Linjetypar	Bilete	Tyding
Ei svart linje		Ei svart linje lagar den tilsvarande linja på dei markerte cellene. Linja vert vist som ei stipla linje når du bruker linjestilen 0,05 pt. Doble linjer vert viste når du bruker ein dobbel linjestil.
Ei grå linje		Ei grå linje vert vist når den tilsvarande linja på dei markerte cellene ikkje vert endra. Ingen linjer vert laga eller fjerna i slike tilfelle.
Ei kvit linje		Ei kvit linje vert vist når den tilsvarande linja på dei markerte cellene vert fjerna.

Eksempel

1. Marker ei enkelt celle i ein Writer-tabell og vel deretter Tabell → Eigenskapar → Kantlinjer.

2. Vel ein tjukk linjestil.

3. For å laga ei nedre kantlinje, trykk på den nedre kanten til ei tjukk linje vert vist.