Stilar

Med stilhandsamaren kan du bruka, laga, redigera, leggja til og sletta formateringsstilar. Du kan ta i bruk ein stil ved å dobbeltklikka han.

For å bruka denne funksjonen …

Vel Vis → Stilar

På verktøylinja Formatering, trykk

Stilar

Du kan feste stilhandsamaren ved å dra i tittellinja og flytte vindauget til venstre eller høgre side av arbeidsområdet. Du kan losna vindauget igjen ved å dobbeltklikka på eit ubrukt område i verktøylinja.

Som standard viser stilhandsamaren førehandsvisinga av dei tilgjengelege stilane. Førehandsvisinga kan slåast av i Avanserte innstillingar ved å setja eigenskapen /org.openoffice.Office.Common/StylesAndFormatting Preview til usann (false).

Slik brukar du ein stil:

Marker teksten. For å bruka ein teiknstil på eitt ord, klikk på ordet. For å bruka ein avsnittsstil, klikk på avsnittet.
Dobbeltklikk på stilen i vindauget «Stilhandsamar».

Du kan definere snøggtastar til stilar på arkfana Verktøy → Tilpass → Tastatur.

Verktøylinja i stilhandsamaren har knappar som du kan bruka til å formatera dokumenta:

Stilkategori

Avsnittsstil

Vis formateringsstilane for avsnitt. Med avsnittsstilar kan du bruka same formatering, for eksempel skrift, nummerering og utforming, på avsnitta i dokumentet.

Teiknstil

Viser formateringsstilane for teikn. Med teiknstilar kan du bruka skriftstilar på merkt tekst i eit avsnitt.

Rammestilar

Vis formateringsstilane for rammer. Med rammestilar kan du velja utforming og plassering av rammer.

Sidestilar

Vis formateringsstilane for sider. Sidestilar vert brukte for å styra utforming av sider, medrekna topptekstar og botntekstar.

Listestilar

Viser formateringsstilar for nummererte og punktmerkte lister. Med listestilar kan du velja tal og punktteikn og innrykk i lister.

Fyllformatmodus

Legg den valde stilen til eit objekt eller ein tekst. Trykk på denne knappen og merk eit objekt eller ein tekst med musepeikaren for å leggja til stilen.Trykk på knappen igjen eller trykk Escape for å gå ut av denne modusen.

Bruka stilar i fyllformatmodus