Type
Bestemmer storleiken og plasseringa av det valde objektet eller den valde ramma på ei side.
Storleik
Breidd
Skriv inn breidda på det merkte objektet.
Relativ
Reknar ut breidda på det valde objektet som ein prosentdel av breidda på tekstområdet.
Relativt breiddeforhold
Bestemmer kva 100 % breidd betyr: anten tekstområdet utan margane eller heile sida, inklusive margane.
Høgd
Skriv inn høgda på det merkte objektet.
Relativ
Reknar ut høgda på det valde objektet i prosent av høgda på tekstområdet på sida.
Relativt høgdeforhold
Bestemmer kva 100 % høgd betyr: anten tekstområdet utan margane eller heile sida, inklusive margane.
Uendra storleiksforhold
Tek vare på høgde- og breidde-forholdet når du endrar innstillingane for høgd eller breidd.
Opphavleg storleik
Set storleiksinnstillingane for det valde objektet tilbake til dei opphavlege verdiane.
Denne innstillinga er ikkje tilgjengeleg for rammer.
Automatisk
Tilpassar breidda eller høgda på ei ramme automatisk slik at den passar til innhaldet. Viss du vil, kan du velja ei minste høgd eller ei minste breidd for ramma.
Valet Automatisk er berre tilgjengeleg når du har merkt ei ramme.
Forankring
Vert brukt for å setja vala for forankring av valde objekt eller rammer. Vala for forankring er ikkje tilgjengeleg når du opnar dialogvindauget ved hjelp av stilhandsamaren.
Til side
Forankrar utvalet til den gjeldande sida.
Til avsnitt
Forankrar utvalet til det gjeldande avsnittet.
Til teikn
Forankrar utvalet til eit teikn.
Som teikn
Forankrar utvalet som eit teikn. Høgda på den gjeldane linja vert endra for å passa høgda på utvalet.
Posisjon
Vert brukt for å bestemma kor dei markerte objekta skal plasserast på den gjeldande sida.
Vassrett
Vel vassrett justering for objektet. Dette valet er ikkje tilgjengeleg dersom det er vald «Forankra som teikn».
med
Skriv inn kor mykje plass det skal vera mellom den venstre kanten av det valde objektet og referansepunktet som er vald i Til. Dette valet er berre tilgjengeleg om du har vald «Frå venstre» i boksen Vassrett.
til
Vel referansepunkt for for den valde vassrette justering.
Du kan sjå resultatet av vala for justering i feltet for førehandsvising.
Spegelvend på partalssider
Spegelvender dei gjeldande innstillingane for vassrett justering på partalssider.
Du kan også bruka spegelvendingsfunksjonen i Bilete for å tilpassa utforminga av objekt på oddetals- og partalssider.
Loddrett
Vel loddrett justering for objektet.
Viss du forankrar eit objekt til ei ramme med fast høgd, vil berre justeringsvala «Nederst» og «Midtstilt» vera tilgjengelege.
med
Skriv inn kor mykje plass det skal vera mellom den øvre kanten på det valde objektet og referansepunktet du valde i Til-boken. Dette valet er berre tilgjengeleg om du har vald «Ovanfrå» eller «Nedanfrå» (som teikn) i ruta Loddrett.
til
Vel referansepunktet for den valde loddrette justeringa.
Følg tekstflyt
Held det valde objektet innføre stilgrensene for teksten objektet er forankra til. Ønskjer du å plassera objektet kvar som helst i teksten, må du ikkje bruka dette valet.
Som standard er følj tekstflyt vald når du opnar eit dokument som er oppretta i ein versjon av Writer eldre enn OpenOffice.org 2.0. Dette gjeld ikkje når du opprettar eit nytt dokument eller når du opnar eit dokument i Microsoft Word-formatet *.doc.
Den grøne firkanten står for det valde objektet og den raude firkanten for referansepunktet for justering. Viss du forankrar objektet som eit teikn, vert firkanten som står for referansepunktet endra til ei raud linje.