Verktøylinja
Verktøylinja inneheld ofte brukte funksjonar.
Vis større
Visar formelen 25% større. Skaleringsgraden vert vist på statuslinja. Du kan også endra skaleringa i sprettoppmenyen på statuslinja og frå sprettoppmenyen på skrivebordet.
Vis mindre
Visar formelen 25% mindre. Skaleringsgraden vert vist på statuslinja. Du kan også endra skaleringa i sprettoppmenyen på statuslinja og frå sprettoppmenyen på skrivebordet.
Vis alle
Visar heile formelen så stort som mogleg, slik at alle elementa vert med. Formelen vert auka eller minska så mykje at alle formelelementa kan visast på arbeidsområdet. Den gjeldande forstørringsgraden vert vist på statuslinja. Du kan få opp ei liste med dei tilgjengelege skaleringsalternativa i sprettoppmenyen. Også sprettoppmenyen på skrivebordet let deg endra vist storleik. Skaleringskommandoane og ikona er berre tilgjengelege i Math-dokument, ikkje i innebygde Math-objekt.
Oppdater
Denne kommandoen oppdaterer formelen i dokumentvindauget.
Innhaldet i kommandovindauget vert oppdatert automatisk med endringar dersom Oppdater visinga automatisk er slått på.
Formelpeikar
Her kan du slå av eller på formelmerket. Når formelmerket er slått på, vert det markert med ei tynn ramme i formelen kvar i Kommandovindauget han står.
Symbol
Opnar dialogvindauget for symbol. Der kan du velja eit symbol som skal setjast inn i formelen.