Teikning av kurver

Ikonet kurve på på verktøylinja for teikning opnar ei verktøylinje for å teikna Bézierkurver. Bézierkurver vert definerte med eit startpunkt og eit sluttpunkt som vert kalla «anker». Kurvaturen for Bézierkurva vert bestemt av kontrollpunkt («handtak»). Flytting av eit kontrollpunkt endrar forma på Bézierkurven.

Bézierkurvesegment og rette linjestykke kan setjast saman for å danna ei meir kompleks Bézierkurve. Tre ulike overgangar kan verta brukte for å setja saman nærliggjande segment:

• Eit symmetrisk ankerpunkt har den same linjekrumminga på kvar side, og to kontrollinjer som flytter saman som ei rett linje.

• Eit glatt datapunkt kan ha ulik linjekrumming på kvar side.

• Eit hjørne-datapunkt har ei eller to uavhengige kontrollinjer. Endring av den eine sida påverkar ikkje den andre sida.

Korleis bruka kurveverktøyet

1. Opna verktøylinja Kurver på verktøylinja «Teikning» og vel verktøyet Kurve.

2. Klikk der du vil at kurven skal byrja og dra i den retninga du vil at kurven skal gå. Kontrollinja vil visa retninga.

   Hald nede Shift-tasten medan du drar for å avgrensa retninga til eit 45 graders nett.

3. Slepp musa der det første kontrollpunktet skal vera.

4. Flytt peikaren dit du ønskjer at kurvesegmentet skal slutta. Kurven følgjer peikaren.

5. Gjer éin av desse:

• Dobbeltklikk på plassen for sluttpunktet for å avslutta teikninga av linja.

  Dobbeltklikk på startpunktet for linja for å laga ein lukka figur.

• Klikk og slepp museknappen for å leggja til eit ankerpunkt. Flytt musa for å teikna det neste segmentet.

• Dra i kva retning som helst for å leggja til eit glatt ankerpunkt.

Korleis bruka verktøyet «Frihandslinje»

1. På verktøylinja «Teikning» kan du opna verktøylinja Kurver og velja verktøyet Frihandslinje.

2. Klikk der du ønskjer at kurven skal byrja og hald museknappen nede.

3. Teikn frihandslinja som du ville gjort med ein blyant.

4. Slepp museknappen for å fullføra linja.