Laga ei tilpassa lysbiletframvising

Du kan oppretta ei tilpassa lysbiletframvising for eit bestemt publikum ved å bruka utvalde lysbilete frå den gjeldande presentasjon.

Slik lagar du ei tilpassa lysbiletframvising:

1. Vel Lysbiletframvising → Tilpassa lysbiletframvising.

2. Klikk Ny og skriv inn eit namn på lysbiletframvisinga i feltet Namn.

3. Merk dei lysbileta som skal vere med i framvisinga i Eksisterande lysbilete. Klikk så på knappen >>. Hald nede Shift-tasten for å velja fleire samanhengande lysbilete eller «Ctrl» for å velja fleire spreidde lysbilete.

Du kan endra rekkjefølgja for lysbileta i lysbiletframvisinga ved å dra og sleppa lysbileta under Valde lysbilete.

Slik startar du ei tilpassa lysbiletframvising:

1. Vel Lysbiletframvising → Tilpassa lysbiletframvising.

2. Vel frå lista den lysbiletframvisinga du vil starta.

3. Trykk på Start.

Innstillingar for køyring av lysbiletframvising

Slik byrjar du alltid ei lysbiletframvising frå det gjeldande biletet:

1. Vel → LibreOffice Impress → Generelt.

2. I området Start presentasjon kan du merkja av avkrysningsfeltet Alltid med denne sida.

Slik gøymer du eit lysbilete:

Du gøymer det gjeldande lysbiletet ved å trykkja på knappen Gøym lysbilete.

1. Du kan gøyma fleire lysbilete samstundes ved å velja Vis → Lysbiletsortering og merkja dei lysbileta du vil gøyma.

2. Vel Lysbiletframvising → Gøym lysbilete

   Lysbiletet vert ikkje fjerna frå dokumentet.

Slik viser du eit gøymd lysbilete:

1. Vel Vis → Lysbiletsortering og merk så det gøymde lysbiletet eller dei gøymde lysbileta du vil visa.

2. Vel Presentasjon → Vis/gøym lysbilete.