Avanserte innstillingar
Opnar dialogvindauget for avanserte innstillingar og oppsett for LibreOffice. I dette vindauget kan du ta i bruk hundrevis av oppsett for LibreOffice, dei fleste av desse er ikkje tilgjengelege i brukargrensesnittet eller i vanlege dialogvindauge.
I dialogvindauget for avanserte oppsett har du tilgang til og kan endra og lagra innstillingar som kan skada brukarprofilen din for LibreOffice. Dei kan gjera brukarprofilen din i LibreOffice ustabil, inkonsekvent eller til og med ubrukeleg. Hald fram berre om du veit kva du gjer.
Det avanserte oppsettet endrar ikkje systemoppsettet for LibreOffice på datamaskinen.
Innskrivingsområdet for tekstsøk
Skriv inn det du vil visa i tekstområdet. Trykk deretter på søk-knappen.
Søkeknappen
Klikk for å sjå etter innstillingane dine i innstillingstreet.
Innstillingstreet
Listar ut innstillingane i ei treutforming. Klikk på plussteiknet (+) for å opna greinene. Når ei innstilling er synlege i treet kan du redigera ho.
Innstillingsnamn
Namnet på innstillinga
Eigenskap
Syner namnet på eigenskapen i innstillinga.
Type
Definerer eigenskapstype. Gyldige typar er:
-
string: Alfanumeriske verdiar;
-
long: heiltal;
-
boolean: verdiar for sann eller usann;
-
void: eigenskapstype void kan ikkje endrast.
Verdi
Den gjeldande verdien til eigenskapen.
Rediger
Opnar eit dialogvindauge for redigering av eigenskapen.
Du kan dobbelklikke i innstillingsrada for å endra den gjeldande verdien for eigenskapen.
Tilbakestill
Angra endringane som er gjort så langt i dette dialogvindauget.