Godta eller avvisa endringar
Revisjonsfunksjonen er tilgjengeleg i LibreOffice for bruk i tekstdokument og rekneark.
I tekstdokument som er laga med Writer, kan du også godta eller avvisa endringar ved hjelp av val i sprettoppmenyen.
Når du redigerer eit dokument som andre har gjort endringar i, kan du godta eller avvisa endringar kvar for seg, eller godta eller avvisa alle endringane på ei gong.
-
Viss du har fleire kopiar av dokumentet i sirkulasjon, må du først fletta dei saman til eitt dokument (sjå Fletta versjonar).
-
Vel Rediger → Spor endringar → Handter. Dette vil opna dialogvindauget for å Handter endringar.
-
Merk ei endring på fana Liste. Endringa vert merkt og vert vist i dokumentet. Nå kan du bruka knappane på fana til å velja kva du vil gjera med endringa.
Viss ein forfattar har endra endringa til ein annan forfattar, vert endringane viste ordna hierarkisk, med eit plussteikn du kan bruka til å opna hierarkiet.
Viss lista over endringar er for lang, kan du bytte til fana Filter i dialogvindauget og angje at du berre vil visa endringar frå bestemte forfattarar, berre endringar som er gjort den siste dagen eller bruka andre val til å avgrensa kva som vert vist i lista.
Fargekoda element viser resultatet av filteret du bruker. Svarte element kan godtakast eller avvisast og er i samsvar med filterkriteriet. Blå element er ikkje i samsvar med filterkriteriet, men har underelement som er det. Grå element kan ikkje godtakast eller avvisast og er ikkje i samsvar med filterkriteriet. Grøne element er i samsvar med filterkriteriet, men kan ikkje godtakast eller avvisast.