Redigera hyperlenkjer
Når du held nede CmdCtrl og klikkar på ei hyperlenkje i eit Writer-dokument vert nettlesaren opna med den aktuelle nettadressa. Viss du ikkje bruker ei mus, plasser markøren inni hyperlenkja og opna sprettoppmenyen med Shift + F10 og vel «Opna hyperlenkje».
Slik kan du endra teksten i ei hyperlenkje
-
I Writer-dokument kan du klikka kvar som helst i ei hyperlenkje og redigera den synlege teksten.
Viss du går ut av hyperlenkja ved å plassere markøren utanfor lenkja, er det berre den synlege teksten som vert endra.
Viss du går ut av hyperlenkja ved å skriva inn eit mellomromsteikn rett etter det siste teiknet, vil autorettinga, viss denne funksjonen er slått på, endra måladressa til å verta den same som den synlege teksten.
-
I alle dokumenttypane kan du opna dialogvindauget for hyperlenkjer for å redigera ei hyperlenkje. Først set du markøren i eller rett framføre hyperlenkja og trykkjer deretter på knappen «Hyperlenkje» på standardverktøylinja.
Slik endrar du nettadressa i ei hyperlenkje
-
Opna dialogvindauget Hyperlenkje slik som forklart ovanfor.
Endra eigenskapane for alle hyperlenkjer
-
Opna stilhandsamaren
-
Trykk på ikonet for teiknstilar.
-
Høgreklikk på teiknstilen «Internett-lenkje» eller «Vitja Internett-lenkje» og vel Rediger.
-
Merk dei nye eigenskapane i dialogvindauget og trykk OK.
Redigera ein hyperlenkjeknapp
Viss hyperlenkja er ein knapp, kan du trykkja på kanten for å merkja han, eller trykkja ValAlt medan du klikkar. Opna dialogvindauget Eigenskapar via sprettoppmenyen. Du kan redigera etiketteksten under «Etikett» og forandra adressa i «Nettadresse-feltet».