Setja inn data frå tekstdokument
Du kan setja inn tekst i andre dokumenttypar, som for eksempel rekneark og presentasjonar. Ver merksam på at det er skilnad på om du set inn tekst i eit tekstfelt, i ei reknearkcelle og i disposisjonsvising i ein presentasjon.
-
Viss du kopierer tekst til utklippstavla, kan du lima han inn med eller utan teksteigenskapar. Bruk snartastane Cmd Ctrl + C for å kopiera og Cmd Ctrl+ V for å lima inn.
Du kan velja formatet som skal brukast på innhaldet frå utklippstavla når du limer det inn ved å trykka på pila ved sida av knappen Lim inn på standardverktøylinja eller ved å velja Rediger → Lim inn utval og deretter velja formatet du vil bruka.
-
Viss eit tekstdokument inneheld overskrifter som er formaterte med avsnittsstilen Overskrift, vel du Fil → Send → Ein disposisjon til ein presentasjon. Nå vert det laga ein ny presentasjon som inneheld overskrifta som ein disposisjon.
-
Viss du vil overføra kvar overskrift saman med dei tilhøyrande avsnitta, vel du Fil → Send → Autosamandrag til presentasjon. Denne kommandoen er berre tilgjengeleg for overskrifter du har formatert med ein av dei tilhøyrande avsnittsstilane.
Kopiera tekst med dra og slepp
-
Viss du merkjer tekst og bruker dra og slepp for å setja han inn i eit rekneark, vert teksten sett inn i cella der du slepp museknappen.
-
Viss du drar tekst til normalvisinga i ein presentasjon, vert eit OLE-objekt sett inn som eit LibreOffice-programtillegg.
-
Viss du drar tekst til disposisjonsvisinga i ein presentasjon, vert han sett inn der musepeikaren er plassert.