Sortering og gruppering
I dialogvindauget for sortering og gruppering i Rapportbyggjaren, kan du angje felta som skal sorterast i rapporten din og kva felt som skal haldast saman for å forme ei gruppe. Viss du grupperer rapporten etter eit bestemt felt, vert alle postane med den same verdien i det feltet halde saman i éi gruppe.
Boksen «Gruppe» viser felta i rekkjefølgje ovanfrå og ned. Du kan merkja kva felt som helst og trykkja på knappane «Flytt opp» eller «Flytt ned» for å flytta det merkte feltet opp eller ned i lista.
Sortering og gruppering vert lagt til i rekkjefølgja frå øvst til nedst.
Som standard vert det laga ei ny gruppe på kvar verdi som er forandra i eit merkt felt i ein post. Du kan endra denne eigenskapen avhengig av felttypen:
-
For tekstfelt kan du velja prefiksteikn og skriva inn talet på teikn i tekstboksen under. Postane som er identiske med talet på teikn vert grupperte saman.
-
For tid og datofelt kan du gruppera postane etter same år, kvartal, månad, veke, dag, time, eller minutt. Du kan i tillegg angje eit intervall for veker og timar: 2 vekers grupper med data i annakvar veke, 12 timars gruppedata i halvdagsgrupper.
-
For felt av typen autonummer, valuta, eller nummer, kan du angje eit intervall.
Når du vil halda saman nokre postar på den same sida, har du tre val:
-
Nei - det vert ikkje tatt omsyn til sidekantane.
-
Heile gruppa - skriv gruppetoppteksten, detaljdelen og gruppebotnteksten på den same sida.
-
Med første detalj - skriv gruppetoppteksten på ei side berre viss den første detaljposten også kan skrivast på den same sida.