Biletfilterlinje

Denne knappen på biletverktøylinjaopnar filterlinja, som let deg bruka ulike filter på det valde biletet.

Snu

Inverterer fargeverdiane i eit fargebilete, eller lysstyrkeverdiane i eit bilete i gråtoner, slik at du får eit negativ. Bruk filteret ein gong til for å gjera om effekten.

Gjer jamnare

Gjer biletet mjukare (meir uskarpt) ved hjelp av eit lågpassfilter.

Gjer skarpare

Gjer biletet skarpare ved hjelp av eit høgpassfilter.

Fjern støy

Fjernar støy i biletet ved hjelp av eit medianfilter.

Solarisering

Opnar eit dialogvindauge der du kan styra solariseringseffekten. Solarisering er ein effekt som får biletet til å sjå ut som det har kome lys på filmen under framkallinga. Fargane vert delvis omsnudde.

Parametrar

Vel grad og type solarisering.

Terskelverdi

Vel kor lyst biletet skal visast (i prosent). Alle biletpunkta som er lysare enn det du vel, vert solariserte.

Snu

Kryss av her viss biletpunkta som skal solariserast også skal inverterast.

Aldring

Alle pikslar vert sette til gråtoneverdiane sine, deretter vert den grøne og den blå fargekanalen redusert med verdien du vel. Den raude fargekanalen vert ikkje endra.

Aldringsgrad

Viser graden av aldring i prosent. Ved 0 % vert alle pikslane viste med den gråtoneverdien dei har. Ved 100 % er berre den raude fargekanalen synleg.

Plakateffekt

Opnar eit dialogvindauge der du kan velja talet på plakatfargar. Med denne effekten vert talet på fargar redusert, og fotografiet ser ut som eit målarstykke.

Plakatfargar

Set kor mange fargar du vil redusera biletet til.

Popkunst

Gjer om eit bilete til popkunstformat.

Kolteikning

Viser biletet som ei kolteikning. Konturane i biletet vert teika med svart, og dei opphavlege fargane vert fjerna.

Relieff

Viser eit dialogvindauge der du kan laga relieff. Du kan velja kvar den tenkte lyskjelda som avgjer skuggen skal vera og korleis biletet skal sjå ut i relieff.

Lyskjelde

Vel kvar lyskjelda skal plasserast. Kjelda er vist som ein prikk.

Mosaikk

Slår saman små grupper med biletpunkt til rektangulære område i same farge. Jo større rektangla er, jo færre detaljar får biletet.

Elementoppløysning

Vel talet på biletpunkt som skal slåast saman i rektangel.

Breidd

Vel breidda på dei enkelte flisene.

Høgd

Vel høgda på dei enkelte flisene.

Framhev kantane

Gjer kantane til objektet skarpare.