Data (for XML-skjemadokument)
Fana «Data» i dialogvindauget «Eigenskapar» for eit XML-skjemadokument inneheld ein del innstillingar for XML-skjemadokument.
Dei innstillingane som kan gjerast på Data-fana varierer mellom ulike kontrollelement. Det er berre dei innstillingane som gjeld for kontrollelementet i den samanhengen det står som er tilgjengelege. Dei følgjande felta finst:
XML-datamodell
Vel ein modell frå lista over alle modellane i det gjeldande dokumentet.
Blinkande
Vel eller skriv inn namnet på ei binding. Vel du namnet på ei eksisterande binding, vert bindinga knytt til kontrollelementet. Skriv du inn eit nytt namn, vert det laga ei ny binding som vert knytt til formkontrollen.
Bindingsuttrykk
Fyll inn DOM-noden kontrollmodellen skal bindast til. Trykk på «…»-knappen for å opna eit dialogvindauge der XPath-uttrykket kan skrivast inn.
Påkravd
Vel om elementet må vera med i X-skjemaet.
Relevant
Viser at elementet er relevant.
Skriveverna
Viser at elementet er skriveverna.
Skranke
Viser at elementet er avgrensa.
Utrekning
Angjev at elementet er utrekna.
Datatype
Vel datatype som kontrollelementet skal validerast mot.
x
Marker ein brukardefinert datatype og trykk på knappen for å fjerna han.
+
Trykk på knappen for å opna eit dialogvindauge der du kan skriva inn namnet på ein ny brukardefinert datatype. Den nye datatypen arvar alle fasettane frå den valde datatypen.
Her er lista over alle fasettar som er gyldige for datatypar. Nokre fasettar er berre tilgjengelege for visse datatypar.
Blankteikn
Bestemmer korleis blankteikn skal handterast når ein streng av den gjeldande datatypen vert handtert. Moglege verdiar er «Ta vare på», «Byt ut» og «Fald saman». Sematikken følgjer definisjonane på http://www.w3.org/TR/xmlschema-2/#rf-whiteSpace.
Mønster
Spesifiserer eit regulært uttrykk. Tekststrenger som vert kontrollert mot datatypen, må følgja dette mønsteret for å vera gyldige. Syntaksen for regulære uttrykk i samband med XSD-datatypar er forskjellig frå den syntaksen som vert brukt andre stader i LibreOffice; for eksempel i dialogvindauget «Søk og erstatt».
Siffer (i alt)
Angjev det høgste talet på siffer som verdiar av datatypen desimal kan ha.
Siffer (brøk)
Angjev det høgste talet på desimalar som verdiar av datatypen desimal kan ha.
Høgst (inklusiv)
Set ei inklusiv øvre grense for verdiar.
Høgst (eksklusiv)
Bestemmer ei eksklusiv øvre grense for verdiar.
Minst (inklusiv)
Bestemmer ei inklusiv nedre grense for verdiar.
Minst (eksklusiv)
Bestemmer ei eksklusiv nedre grense for verdiar.
Lengd
Bestemmer kor mange teikn i ein tekststreng.
Lengd (minst)
Set det minste talet på teikn i ein streng.
Lengd (høgst)
Skriv inn det høgste talet på teikn i ein tekststreng.