Bruk av notisblokklinja

Notisblokklinja er ein ny måte å visa ikon for meir effektiv bruk

Som standard er kommandoane LibreOffice grupperte i samanhengande menyar og i verktøylinjer med ikon.

Notisblokklinja viser ein annan måte å organisere funksjonar og ikon på enn som rette linjer med ikon som viser samanhengande grupper med kommandoar og innhald.

I notisblokklinja er ofte brukte kommandoar grupperte slik at dei er raskare å bruka og slik unngår lange menyar og verktøylinjer.

Notisblokklinja er tilgjengeleg i Writer, Calc og Impress. Brukargrensesnittet har nå fleire utformingar. Notisblokklinja vert kontrollert frå to oppføringar i menyen Vis: Verktøylinje oppsett og Notisblokklinje.

Utforming av brukargrensesnittet

Vala i innstillingane for verktøylinjer bestemmer kva for element som skal visast i brukargrensesnittet. Dei tilgjengelege utformingane er:

• Standard – klassisk modus med to synlege verktøylinjer – standard og formatering. Sidepanelet er delvis samanslått og viser berre faner.

• Enkel verktøylinje – viser éi verktøylinje med alle dei mest brukte funksjonane. Sidepanelet er usynleg.

• Sidepanel – Sidepanelet er opna og berre verktøylinja for formatering er synleg.

• Notiblokklinje – alle verktøylinjene og sidepanelet er gøymde og notisboklinja er plassert øvst. Menyoppføringane Vis – Notisboklinje er berre aktiv i denne modusen og brukaren kan difor velje utforminga av notisboklinja.

Når brukaren aktiverer andre verktøylinjer, vert dei lagra i brukarprofilen. Når du kjem tilbake til denne modusen, vert verktøylinjene sett opp slik dei var sist gong dei var i bruk

Tilgjengelege modus for notisboklinjer

• Faner – linja vert delt opp i faner der kvar fane viser eit symbolsett gruppert etter innhald. Innhaldet kan veksle i høve til kva objekt som er vald i dokumentet, for eksempel ein tabell eller eit bilete.

• Emnegrupper – Notisboklinja er delt i fire grupper. Gruppene Fil, Utklippstavle og Format er faste. Innhaldet i gruppa Set inn er avhengig av kva objekt som er merkte i dokumentet, som for eksempel eit bilete, ein tabell eller eit OLE-objekt.

• Kontekstavhengig menylinje – Viser ei enkel midtstilt menylinje der innhaldet er avhengig av konteksten.