Innrykk og mellomrom
Vel innrykk, mellomrom og linjeavstand for dette avsnittet.
For å endra måleeiningane som er brukte i dette dialogvindauget, må du velja LibreOffice → InnstillingarVerktøy → Innstillingar → LibreOffice Writer → Generelt og deretter ei ny måleeining iområdet for Innstillingar.
Du kan også stille inn innrykk ved å bruka linjalen. Du kan få fram linjalen ved å velja Vis → Linjal.
Innrykk
Vel kor langt det skal vera mellom venstre og høgre sidemarg og avsnittet.
Før tekst
skriv inn kor mykje du vil rykkja inn avsnittet i høve til margen. Vil du at avsnittet skal strekkja seg ut over margen, skriv du inn eit negativt tal. I språk som vert skrivne mot høgre vert venstresida av avsnittet rykt inn i høve til venstremargen. I språk som vert skrivne mot venstre vert høgresida av avsnittet rykt inn i høve til høgremargen.
Etter tekst
skriv inn kor mykje du vil rykkja inn avsnittet i høve til margen. Vil du at avsnittet skal strekkja seg ut over margen, skriv du inn eit negativt tal. I språk som vert skrivne mot høgre vert høgresida av avsnittet rykt inn i høve til høgremargen. I språk som vert skrivne mot venstre vert venstresida av avsnittet rykt inn i høve til venstemargen.
Første linje
Rykkjer inn den første linja i eit avsnitt så mykje som du vel her. Skriv inn ein positiv verdi for «Før tekst» og ein negativ verdi for «Første linje» for å laga eit hengande innrykk. For å laga innrykk på første linja i eit avsnitt med nummerert liste eller punktliste, bruk Format → Punkt og nummerering → Plassering.
Automatisk
Lagar automatisk eit innrykk for eit avsnitt i høve til storleiken på skrifta og linjeavstanden. Innstillinga i boksen Første linje vert ignorert.
Avstand
Vel kor langt det skal vera mellom dei merkte avsnitta.
Over avsnitt
Vel kor stor avstand det skal vera over det merkte avsnittet.
Under avsnitt
Vel kor stor avstand det skal vera etter dei valde avsnitta.
Ikkje legg til mellomrom mellom avsnitt med den same stilen.
Gjer at det ikkje vert lagt til ekstra avstand før og etter dette avsnittet når avsnittet før og etter har same avsnittsstil.
Linjeavstand
Vel kor stor avstand det skal vera mellom tekstlinjene i eit avsnitt.
Enkel
Bruker enkel linjeavstand i avsnittet. Dette er standardinnstillinga.
Halvannan
Dobbel
Proporsjonal
Vel denne innstillinga, og skriv inn ein prosentverdi i boksen. 100 % svarar til enkel linjeavstand.
Minst
Vel den minste moglege linjeavstanden.
Viss du bruker ulike skriftstorleikar inne i eit avsnitt, vert linjeavstanden automatisk tilpassa den største skriftstorleiken. Viss du heller vil ha same avstand for alle linjer, kan du velja ein verdi i Minst-feltet som vil passa til den største skriftstorleiken.
Innleiande
Vel kor stor den loddrett avstanden mellom to linjer skal vera.
Fast
Set linjeavstanden til å nøyaktig passa verdien som du skriv inn i boksen. Dette kan gje uønskte resultat, som for eksempel avkutta teikn.
av
Skriv inn linjeavstand.
Set i kegel
Slå på
Justerer baselinja på kvar tekstlinje med eit loddrett dokumentrutenett, slik at kvar linje får same høgd. For å bruka denne funksjonen, må du først aktivera Registrer sann-alternativet for sidestilen. For å gjere dette, vel du Format → Side, klikkar på Side-fana, og vel Registrer sann-boksen i området for oppsettsinnstillingar.