Tal / format
Vel kva format som skal brukast på dei merkte cellene.
Kategori
Vel ein kategori frå lista. Vel deretter ein formateringsstil i Format-boksen.
Standardvalutaformatet for ei celle er styrt av regioninnstillingane til operativsystemet.
Format
Vel korleis du vil visa innhaldet av cellene du har merkt. Koden for det valde alternativet vert vist i formatkode-boksen.
Listeboksar med valutakategoriar
Vel ein valuta og rull opp til toppen av Format-lista for å sjå dei ulike alternativa for den valde valutaen.
Formatkoden til valutaar er på forma [$xxx-nnn], der xxx er valutasymbolet og nnn landskoden. Spesielle banksymbol, som EUR (for Euro), krev ikkje landskode. Valutaformatet er ikkje avhengig av språket som er valt i Språk-boksen.
Språk
Vel språkinnstillingar for dei merkte cellenefelta. Om språkinnstillingane står på Automatisk, tek LibreOffice automatisk i bruk talformatet som høyrer saman med standardspråket. Vel kva språk som helst for å ordna innstillingane for dei valde cellenefelta.
Språkinnstillinga sikrar at dato- og valutaformata og desimal- og tusenskiljeteikna vert tekne vare på, sjølv når dokumentet vert opna i eit operativsystem som bruker ei anna språkinnstilling som standard.
Kjeldeformat
Bruker det same talformatet som cellene som inneheld dataa til diagrammet.
Innstillingar
Vel innstillingane for det valde formatet.
Tal på desimalplassar
Skriv inn kor mange desimalplassar som skal visast.
Nemnarplassar
Med brøkformat, skriv inn kor mange plassar som skal visast for nemnaren.
Innleiande nullar
Skriv inn høgste talet på nullar som skal visast før desimalteiknet.
Negative tal i raudt
Endra fargen på negative tal til raudt.
Bruk tusenskilje
Set inn eit tusenskiljeteikn. Kva skiljeteikn som vert brukt, er avhengig av språkinnstillingane.
Teknisk notasjon
Med vitskapleg format vil teknisk notasjon syte for at eksponenten er eit multippel av 3
Formatkode
Viser koden til talformatet for det valde formatet. Du kan også skriva inn eit eige format. Desse alternativa er berre tilgjengelege for sjølvvalde talformat.
Legg til
Legg til koden for talformat du skreiv inn i den sjølvvalde kategorien.
Slett
Slett talformatet du har merkt. Endringane vert tekne i bruk etter at du har starta LibreOffice på nytt.
Rediger kommentar
Legg til ein merknad til talformatet du har vald.
Namnelinje
Skriv inn ein merknad for det valde talformatet og klikk på utsida av denne boksen.