Skaler og vis oppsett
Forminskar eller forstørrar skjermvisinga av LibreOffice. Gjeldande forstørring vert vist som ein prosentverdi på statuslinja.
Skalering vert handtert ulikt under Unix, Linux og Windows. For eksempel vert eit dokument som er lagra med skaleringsfaktoren «100 %» i Windows, vist større i Unix og Linux. For å endra skaleringsfaktoren, kan du dobbeltklikka eller høgreklikka prosentverdien på Statuslinja og deretter velja kva skaleringsfaktor du vil bruka.
Skaleringsfaktor
Vel skaleringsfaktor for det gjeldande dokumentet og alle dokumenta av same type som du seinare måtte opna.
Best mogleg
Tilpassar storleiken på visinga av det merkte celleområdet straks kommandoen byrjar. Tilpassar visinga slik at ho passar med breidda på dokumentet straks kommandoen byrjar.
Pass til heile sida
Tilpassar visinga slik at ho passar høgda og breidda på det merkte celleområdet straks kommandoen byrjar.Viser heile sida på skjermen.
Pass til breidda
Viser heile dokumentbreidda. Det kan henda at toppen og botnen av sida ikkje vert synleg.
100 %
Viser dokumentet i full storleik.
Variabel
Her kan du bestemma kor mange prosent av vanleg storleik dokumentet skal visast i. Trykk her og skriv inn ein prosentverdi i boksen.
Visingsutsjånad
Du kan velja korleis tekstdokument skal visast. Reduser skaleringa for å sjå verknaden når ulike innstillingar for vising vert brukte.
Automatisk
Når du vel «Automatisk», vil fleire sider verta viste ved sida av kvarandre med så mange sider som skaleringa tillet.
Éin etikett
Når du vel «Enkeltsider», vert den neste sida vist under den førrre, men aldri side om side.
Kolonne
Når du vel «Kolonnar», vert sidene viste ved sida av kvarandre i så mange kolonnar som er oppgjevne. Skriv inn kor mange kolonnar du vil bruka.
Bokmodus
Når du vel «Bokmodus», vert to sider viste ved sida av kvarandre, på same måten som i ei ope bok. Den første sida vert vist til høgre, med eit oddetal som sidenummer.