Gruppera objekt
Du kan slå saman fleire objekt til ei gruppe, slik at dei oppfører seg som eit enkeltobjekt. Du kan endra eigenskapane (for eksempel linjestorleik og fyllfarge) til alle objekta i ei gruppe på éin gong, men òg for individuelle objekt. Grupper kan vera mellombels eller tildelte:
-
Mellombels: Gruppa finst berre så lenge alle dei samanslåtte objekta er valde.
-
Tildelt: Gruppa finst til ho vert delt opp av ein menykommando.
Du kan òg laga grupper av grupper. Handlingar som vert utførde på éi gruppe påverkar ikkje den relative plasseringa til enkeltobjekta i gruppa.
Gruppera objekt
Merk objekta du vil gruppera, og vel Endra → Grupper.
For eksempel kan du gruppera alle objekta i ein firmalogo for å kunna flytta og forstørra logoen som eit enkeltobjekt.
Etter at du har gruppert objekt, vil du velja heile gruppa dersom du vel éin del av ho.
Velja objekt i en gruppe
Du kan velja enkeltobjekt i ei gruppe ved å «gå inn i» gruppa. Dobbeltklikk på ei gruppe for å gå inn i gruppa og trykk på eit av objekta for å velja det. Du kan òg leggja til eller sletta objekt i ei gruppe i denne modusen. Objekta som ikkje er ein del av gruppa vert skuggelagde.
Dobbeltklikk kvar som helst utanfor gruppa for å gå ut av ho.