Handtering av filer
Funksjonane og uttrykka som er brukte for å handtera filer er omtalte her.
CurDir-funksjonen
Returnerer ein variantstreng som inneheld den gjeldande stien for det oppgjeve lagringsmediet.
Dir-funksjonen
Returnerer namnet på ei fil, ein katalog eller alle filene og katalogane på eit drev eller i ein katalog som passer til den spesifiserte søkestien.
FileAttr-funksjonen
Returnerer tilgangsmodus eller filtilgangsnummeret for ei fil som er opna med Open-uttrykket. Filtilgangsnummeret er avhengig av operativsystemet (OSH = Operating System Handle, operativsystemhandteraren).
FileDateTime-funksjonen
Returnerer ein streng med dato og klokkeslett for når fila vart laga eller sist endra.
GetAttr-funksjonen
Returnerer eit bitmønster som identifiserer filtypen eller namnet på lagringsmediumet eller ei mappe.