ការរុករក
បើអ្នកចុចរូបតំណាងនេះក្នុង កម្មវិធីរុករក ឬក្នុងផ្នែកខាងក្រោមស្តាំនៃបង្អួចឯកសារ របារឧបករណ៍មួយនឹងលេចឡើង ដែលអាចឲ្យអ្នកជ្រើសក្នុងចំណោមគោលដៅមានស្រាប់នៅក្នុងឯកសារមួយ ។ បន្ទាប់មកអ្នកអាចប្រើរូបតំណាងព្រួញឡើងលើ និង ចុះក្រោមដើម្បីកំណត់ទីតាំងទស្សន៍ទ្រនិចអត្ថបទក្នុងឯកសារលើគោលដៅមុន ឬបន្ទាប់ ។
ចុចប៊ូតុងឡើងលើ ដើម្បីរមូរទៅទំព័រ ឬវត្ថុមុន ។
ចុចប៊ូតុងចុះក្រោម ដើម្បីរមូរទៅទំព័រ ឬវត្ថុបន្ទាប់ ។
តាមលំនាំដើម ដ៏រាបណាអ្នកមិនជ្រើសវត្ថុផ្សេងណាមួយ ប៊ូតុងព្រួញលោតទៅទំព័រមុន ឬបន្ទាប់ក្នុងឯកសារ ។ ប៊ូតុងព្រួញមានពណ៌ខ្មៅប្រសិនបើអ្នកកំពុងរុករកទំព័រ និង មានពណ៌ខៀវប្រសិនបើអ្នកលោតទៅវត្ថុផ្សេងទៀត ។
ធាតុត្រូវគ្នាច្រើនទៅនឹងធាតុនៅក្នុងប្រអប់ជម្រើស កម្មវិធីរុករក ។ អ្នកក៏អាចជ្រើសទិសដៅលោតផ្សេងទៀត ។ ឧទាហរណ៍មួយគឺអ្នករំលឹក ដែលអ្នកអាចកំណត់ជាមួយរូបតំណាង កំណត់អ្នករំលឹក ក្នុងកម្មវិធីរុករក ។ នៅលើរបារឧបករណ៍ រុករក អ្នកអាចជ្រើសវត្ថុមួយក្នុងចំណោមជម្រើសដូចតទៅនេះ ៖ តារាង, ស៊ុមអត្ថបទ, ក្រាហ្វិក, វត្ថុ OLE, ទំព័រ, ក្បាល, អ្នករំលឹក, វត្ថុគំនូរ, វាលវត្ថុបញ្ជា, ភាគ, កន្លែងចំណាំ, ជម្រើស, លេខយោង, ចំណាំ, ធាតុលិបិក្រម, រូបមន្តតារាង, រូបមន្តតារាងដែលមានកំហុស ។
សម្រាប់រូបមន្តតារាង អ្នកអាចទាំងលោតទៅរូបមន្តតារាងទាំងអស់ផងដែរ ដែលស្ថិតនៅក្នុងឯកសាររបស់អ្នក ឬលោតទៅតែរូបមន្តដែលមិនត្រឹមត្រូវមួយ ។ សម្រាប់រូបមន្តមិនត្រឹមត្រូវ អ្នកលោតទៅតែរូបមន្តដែលបង្ហាញលទ្ធផលជាកំហុស ។ កម្មវិធីរំលងរូបមន្តដែលលទ្ធផលមានកំហុស (ទាំងនោះយោងទៅរូបមន្តមិនត្រឹមត្រូវ) ។
ធ្វើការជាមួយរបារឧបករណ៍រុករក
បើករបារឧបករណ៍ រុករក ដោយចុចលើរូបតំណាងរបស់វាក្នុងរបាររមូរបញ្ឈរ ។ អ្នកអាចបំបែករបារឧបករណ៍ចេញពីកន្លែងរបស់វា ដោយអូស ហើយរៀបចំវាលើអេក្រង់ ។
ចុចរូបតំណាង សម្រាប់ប្រភេទវត្ថុដែលអ្នកចង់រកមើល ។ បន្ទាប់មកចុចប៊ូតុងព្រួញមួយក្នុងចំណោមប៊ូតុង "វត្ថុមុន" ឬ"វត្ថុបន្ទាប់" ។ ឈ្មោះនៃប៊ូតុងទាំងនេះ បញ្ជាក់ពីប្រភេទវត្ថុដែលអ្នកបានជ្រើស ។ ទស្សន៍ទ្រនិចអត្ថបទ ត្រូវបានដាក់លើវត្ថុណាមួយដែលអ្នកបានជ្រើស ។
អ្នកអាចកំណត់រចនាសម្ព័ន្ធ LibreOffice ដោយយោងទៅតាមចំណូលចិត្តជាក់លាក់របស់អ្នក សម្រាប់ការរុករកនៅក្នុងឯកសារ ។ ដើម្បីធ្វើដូច្នេះបាន សូមជ្រើស ឧបករណ៍ - ប្តូរតាមបំណង ។ តារាងផ្សេងៗសម្រាប់សម្រួល ម៉ឺនុយ ការបញ្ចូលតាមក្តារចុច ឬរបារឧបករណ៍មានមុខងារផ្សេងៗសម្រាប់ការរុករកនៅក្នុងឯកសារក្រោមផ្ទៃ "រុករក" ។តាមមធ្យោបាយនេះ អ្នកអាចលោតទៅកាន់ស្លាកលិបិក្រមនៅក្នុងឯកសារជាមួយនឹងមុខងារ "ទៅកាន់ស្លាកលិបិក្រមមុន/បន្ទាប់" ។
ស្វែងរកម្តងទៀត
ជាមួយរូបតំណាង ស្វែងរកម្តងទៀត លើរបារឧបករណ៍ រុករក អ្នកអាចធ្វើម្តងទៀតនូវការស្វែងរកមួយ ដែលអ្នកបានចាប់ផ្តើមជាមួយប្រអប់ ស្វែងរក និង ជំនួស ។ ដើម្បីធ្វើដូច្នេះ សូមចុចរូបតំណាង ។ ឥឡូវនេះ ប៊ូតុងព្រួញពណ៌ខៀវលើរបាររមូរបញ្ឈរ ដើរតួនាទីជា បន្តស្វែងរកទៅមុខ និង បន្តស្វែងរកថយក្រោយ ។ ឥឡូវ បើអ្នកចុចផ្ទៃខាងក្រៅនៃព្រួញមួយក្នុងចំណោមទាំងអស់ ការស្វែងរកនឹងត្រូវបានបន្តស្វែងរកពាក្យ ដែលបានបញ្ចូលក្នុងប្រអប់ ស្វែងរក និង ជំនួស ។